जोंधरी के खेती ले सालिक राम होइ आर्थिक रूप ले सशक्त

वन अधिकार पट्टा ले मिले ढाई एकड़ ज़मीन म 18 कुंटल ले जादा होइस जोंधरी के फसल

गरियाबंद, मुख्यमंत्री श्री भूपेश बघेल के नेतृत्व म राज्य सरकार के जनहितकारी नीति अऊ फैसला मन ले प्रदेश के गरीब, किसान संग सबो वर्ग के मनखे खुशहाल होवत हें। जानबा हे कि गरियाबंद जिला अंतर्गत वनांचल म बसे ग्राम जैतपुरी के सालिक राम ध्रुव ह कृषि अधिकारी मन के सलाह म वन अधिकार पट्टा के तहत मिले ढाई एकड़ जमीन म मक्का के खेती करिस। वांखर खेत म मक्का के भरपूर पैदावार होइस। ओ ल 18 कुंटल उत्पादन मिलीस। पहिली ओ ह धान के खेती करत रहिस जेमां ओ ल बहुत कम उत्पादन मिलत रहिस। सालिक राम के परिवार म अब खुशी के माहौल हे।
किसान सालिक राम ह बताइस कि ओ ल वन अधिकार पट्टा के तहत मिले जमीन म ये पइत वो ह ढाई एकड़ म कृषि विभाग कोति ले मिले निःशुल्क मक्का के बीज (केएमएच-3426) लगाए रहिस। ये खेती ले ओ ल करीबन 18 कुंटल मक्का के उपज मिलिस। जेमां ले वो ह 8 कुंटल ले जादा खुला बाज़ार म बेचके अच्छा मुनाफ़ा कमाइस।
किसान सालिक राम ह बताइस कि धान के बलदा ये नवा फसल ले मिले आमदनी ले ओखर परिवार आर्थिक रूप ले सशक्त होवत हे। ओ मन अब धान के बलदा मक्का के खेती करत हें। एखर से बनेच आमदानी होवत हे। वो ह बताइस कि करीबन 10 कुंटल मक्का ल अब ओ ह समर्थन मूल्य म बेचही। ओ ल धान के बदला मक्का के खेती बर प्रोत्साहन स्वरूप प्रदान राशि घलोक मिलही।