नारायणपुर, देवगुड़ी गांव वाले मन के आस्था अऊ सांस्कृतिक धरोहर, जेखर कायाल्प ग्रामवासी मन के सहमति ले हो वत हे। नारायणपुर के हर गांव म एक देवगुड़ी हे, हर गांव के एक विशिष्ट देवी या देवता हे। गांव के पुजारी इहां हर खास मौका म अनुष्ठान करथे। जेखर संरक्षण करे के बीड़ा मुख्यमंत्री श्री भूपेश बघेल ह उठाए हे। गांव वाले मन के मांग म नारायणपुर प्रवास के समय मुख्यमंत्री ह नारायणपुर जिला के सबो ग्राम पंचायत मन म देवगुड़ी बनाए के घोषणा करे रहिन, भेंट मुलाकात कार्यक्रम के समय उमन भूमिपूजन घलोक करे रहिन। जिला प्रशासन कोति ले देवगुड़ी जीरनोद्धार काम ल ग्रामवासी के सहमति ले करे जात हे अऊ एखर मोनिटरिंग घलोक करे जात हे।
आदिवासी हमार देश के प्राचीन सभ्यता, संस्कृति, लोक जीवन के वाहक हें। आदिवासी समाज आज घलोक वो सभ्यता, संस्कृति ल सहेजे म लगे हें। वो सभ्यता अऊ संस्कृति के संरक्षण अऊ संवर्धन म राज्य सरकार पूरा प्रतिबद्ध हे। शासन के मंशानुरूप देवगुड़ी म ओ सबो सुविधा उपलब्ध कराए के प्रयास करे जात हे, जेखर से आदिवासी समाज के मनखे एक जगा म सकला के अपन अनुष्ठान या धार्मिक काम ल मूर्त रूप दे सकयं।
नारायणपुर : गांव वाले मन के आस्था अऊ सांस्कृतिक धरोहर देवगुड़ी के होवत हे तेजी ले कायाकल्प
