आदिवासी नर्तक दल ह पारंपरिक लोकनृत्य के संग करिस मुख्यमंत्री के स्वागत
झलमला म मुख्यमंत्री श्री बघेल ह करिन कई विकास काम मन के घोषणा
फोक नदी म होही उच्चस्तरीय पुल के निर्माण
झलमला म होही नवा ग्राम पंचायत भवन के निर्माण
चिल्फी, रेंगाखार अऊ पोड़ी म खुलही स्वामी आत्मानंद स्कूल
कई गांव मन ल जोड़े सीसी रोड अऊ सड़क निर्माण के घलोक घोषणा
कबीरधाम, मुख्यमंत्री श्री भूपेश बघेल आज अपन भेंट-मुलाकात कार्यक्रम के समय कवर्धा विधानसभा के सुदूर अउ दुर्गम वनांचल ग्राम झलमला पहुँचिन। इहां श्री बघेल ह पचराही के शिव मंदिर म पूजा अर्चना करके प्रदेशवासी मन के सुख सम्रद्धि के कामना करिन। गांव वाले मन ह मुख्यमंत्री श्री बघेल के खुमरी पहिरा के अऊ आदिवासी नर्तक दल ह पारंपरिक लोकनृत्य के संग स्वागत करिस। ये बेरा म स्वास्थ्य मंत्री श्री टी.एस. सिंहदेव अऊ वनमंत्री श्री मोहम्मद अकबर, पंडरिया विधायक श्रीमती ममता चंद्राकर घलोक मौजूद रहिन।
