गरियाबंद : ये दिवाली म महिला समूह मन के बनाये रंगोली ले सजही घर-अंगना

गरियाबंद, ये पईत देवारी तिहार म महिला समूह मन के बनाए रंगोली अऊ सजावटी समान ले बाजार सजही, संगेच एला खरीदके मनखे अपन घर के रौनक बढ़ाहीं। महिला स्व सहायता समूह मन बेरा ल देखत अइसन उत्पाद के निर्माण म जुटे हे, जेकर से ओ मन ल आय होवय। गरियाबंद जिला के विकासखण्ड फिंगेश्वर अन्तर्गत ग्राम पंचायत कोमा के जय अम्बे स्व-सहायता समूह के सदस्य योगिता तारक, गायत्री चेलक, सरिता तारक, धनेश्वरी सोनवानी, गंगा बाई, दुलारी यादव, तेजीन यादव, कुन्ती तारक, सीता तारक, खुशबू तारक अउ छनिया यादव ह देवारी तिहार के पूजा सामान के संगें-संग लाल, हरियर, पीला, नीला, नारंगी, बैगनी आदि रंग के रंगोली बनाके ओला पैकिंग घलोक करत हें। घर म उपयोग होवइया आकर्षक सजावटी सामान बनाए के काम घलोक उमन करत हें।