गोबर ले महिला मन तियार करत हें फ़्लोटिंग दीपक, मोबाइल स्टैंड गुल्लक, मटकी जइसे उत्पाद
छत्तीसगढ़ म तियार फ्यूजन दीप रंगोली के पुणे अऊ नोएडा जइसन बड़े शहरों म हे जादा मांग
देश के आन राज्य मन म सजावटी जिनिस मन के बिक्री ले महिला समूह ल मिलत हे बनेच आमदनी
दुर्ग, छत्तीसगढ़ सरकार के नवाचारी गोधन न्याय योजना ले एक संग कई हित सधत हे। एक कोति गोबर ले वर्मी कम्पोस्ट बनाए जात हे। उहें दुसर कोति गोबर ले कई घरेलू अऊ सजावटी समान घलोक तियार करे जात हे। महिला समूह मन ये दीवाली म घर ल रोशन करे गोबर ले बने फ्यूजन दीप के अलावा गोबर ले फ्लोटिंग दीया, बंदनवार, मोबाईल स्टैंड, हैंगिंग शो-पीस जैसी कई सजावटी उत्पाद बनावत हें। ए जिनस मन के पुणे अऊ नोएडा जइसे शहर मन ले सरलग मांग आवत हे।
जानबा हे कि छत्तीसगढ़ के करीबन 8 हजार गांव मन म बनाय गए गोठान मन म बहुत अकन महिला स्व-सहायता समूह मन छोटे-छोटे आर्थिक गतिविधि संचालित करत हें। ए समूह मन गोबर अऊ माटी ले कई घरेलू उपयोगी सजावटी समान बनावत हें। दुर्ग, जशपुर, जांजगीर-चांपा जिला के संग नवगठित सक्ती जिला के अकलतरा अऊ पामगढ़ क्षेत्र मन म घलोक महिला मन बहुत अकन सजावटी अऊ घरेलू उपयोग के समान बनावत हें। एखर से ओ मन ल बनेच आमदनी घलोक मिलत हे। आर्थिक गतिविधि मन ले जुड़के महिला मन घरेलू काम-काज के संगें-संग परिवार के आर्थिक स्थिति ल घलोक मजूबत करत हें।
