उत्तर बस्तर कांकेर: अनिल साहू बनिस गोबर बेचके मनिहारी दुकान के मालिक

उत्तर बस्तर कांकेर, राज्य शासन कोति ले गोधन न्याय योजना अंतर्गत 20 जुलाई 2020 ले 02 रूपिया प्रतिकिलो के दर ले गोबर खरीदी के काम चालू करे गए हे। ये योजना के क्रियान्वयन ले ग्रामीण अर्थव्यवस्था ल मजबूती मिलत हे। गौठान मन म गौठान समिति मन कोति ले पशुपालक मन ले गोबर खरीदी के काम करे जात हे अऊ पन्द्रा दिन के भीतर राशि घलोक वोखर खाता म हस्तांतरित करे जात हे। गोबर बेचे म पशुपालक मन के आय म बढ़ोतरी होवत हे अऊ आर्थिक स्थिति घलोक मजबूत होए लगे हे।
चारामा विकासखण्ड अंतर्गत ग्राम शाहवाड़ा निवासी पशुपालक अनिल कुमार साहू ह बताइस कि मैं पहिली लेबर के काम करत रहेंव, जेखर से मोला रोजेच 200 रूपिया मजदूरी मिलत रहिस, जेखर से में घर के जरूरत के पूर्ति नइ कर पात रहेंव। राज्य शासन के महत्वाकांक्षी योजना गोधन न्याय योजना के चालू होए ले गौठान म गोबर बेचे के पन्द्रा दिन के भीतर मोर खाता म पईसा आए लगे हे। में मवेसी मन के गोबर सकेल के गौठान म बेंचथंव। मैं ह अब तक 14 हजार 954 किलोग्राम गोबर, गौठान म बेंच के 29 हजार 908 रूपिया सकेले हंव। येकर ले में मनिहारी दुकान चलात हंव। दुकान ले मोर आय म बढ़ोतरी होए हे अऊ में रोजेच 05 सौ रूपिया के आमदनी कमावत हंव। गोधन न्याय योजना चालू करे बर में प्रदेश के मुख्यमंत्री श्री भूपेश बघेल ल धन्यवाद देवत हंव अऊ आशा करत हंव कि ये योजना सुचारू रुप ले सरलग संचालित होत रहय।