गौरेला पेंड्रा मरवाही: सीताफल के संग्रहण अऊ व्यापार ले बिकट कमई करत हें समूह के महिला मन

गौरेला पेंड्रा मरवाही, जिला म राष्ट्रीय ग्रामीण आजीविका मिशन “बिहान” के अंतर्गत महिला स्वसहायता समूह मन के महिला मन जगंल ले सीताफल सकेल के व्यापार करे ले बिकट कमई करत हें।
कलेक्टर सुश्री ऋचा प्रकाश चौधरी के पहल म परियोजना निदेशक जिला पंचायत (डीआरडीए) श्री आर के खूंटे के अगुवई म जिला के महिला मन जंगलो ले सीताफल सकेलत हें। सकेले के बाद सीताफल के ग्रेडिंग करके स्थानीय बाजार अऊ बिलासपुर थोक मण्डी अऊ पड़ोसी राज्य के अमरकंटक अऊ अनूपपुर जिला म भेजे जात हे।
जिला मिशन प्रबंधक श्री सोनी ह बताइस कि कलेक्टर के बताए मुताबिक सीताफल उत्पाद म जिला के पहिचान बनाए बर जादा मात्रा म एकर संग्रहण स्वसहायता समूह मन के महिला मन के माध्यम ले कराके ओ मन ल सीताफल के उचित दाम देवाए बर प्रयास करे जात हे।