रायपुर, देवारी तिहार अऊ गोवर्धन पूजा बर मुख्यमंत्री निवास के छत्तीसगढ़ के परंपरा मुताबिक सजावट करे गए हे। जानबा हे के अंदर के दुवारी म दीया धरे महिला मन के प्रतिमा अऊ खुमरी संग साजे लाठी घरे मनखे मन के सुग्घर फोटू ले सजाए गए हे। परिसर म गौरा-गौरी पूजन स्थल म धान के बाली मन ले कलश अऊ विशेष कलाकृति बनाए गए हे।
कार्यक्रम स्थल ल ग्रामीण परिवेश के स्वरूप देहे गए हे, घर ल घलोक नांगर (हल), गाड़ा चक्का, टुकनी, रापा, कुदारी, सिल-लोड़हा, खटिया, कांवर, तुलसी चौरा, कंडील (लालटेन) ले सजाए गए हे। भिथिया मन म पेड़-पौधा, तोता-मैना, सुआ नाचत महिला, उछाह म पटाखा फोरत लइका, गौरा-गौरी विसर्जन बर जात महिला, राउत नाचा, गाय चरात अऊ दूध दुहत ग्वाला ल आकर्षक ढंग ले फोटू के माध्यम ले प्रदर्शित करे गए हे। एखर अलावा राज्य सरकार के महत्वकांक्षी योजना नरवा, गरवा, घुरवा अऊ बॉड़ी ल घलोक आकर्षक ढंग ले देखाय गए हे।
