बालाछापर गौठान ल रूरल इंडस्ट्रियल पार्क के रूप म विकसित करके संचालित करे जात हे कई ठन आय मूलक गतिविधि

जशपुरनगर, प्रदेश सरकार के महत्वाकांक्षी सुराजी गांव योजना के तहत गांव-गांव म बने गौठान ग्रामीण औद्योगिक केन्द्र के रूप म ग्रामीण अर्थव्यवस्था ल मजबूती प्रदान करके महिला मन ल स्वावलंबी बनाए म महत्वपूर्ण भूमिका निभावत हे। जिहां संचालित गतिविधि मन ले गांव वाले मन ल ऊंखर गांव म ही रोजगार मिलत हे अऊ उंखर से ओ मन ल बनेच आमदनी घलोक होवत हे। रोजगार मिले ले महिला समूह आर्थिक रूप ले सशक्त होके आगू बढ़त हे। आज महिला मन ए गौठान मन के माध्यम ले कई ठन गतिविधि मन ले जुड़के आत्मनिर्भर बनत हें।
जशपुर विकासखंड के बालाछापर गौठान म रूरल इंडस्ट्रियल पार्क स्थापित करके गौठान म गांव वाले मन अऊ स्वसहायता समूह मन ल ग्रामीण परिवेश के अनुकूल छोटे-छोटे व्यवसाय ले जोड़े गए हे। जिहां गोबर ले जैविक खाद अउ सुपर कंपोस्ट बनाए के संग कई ठन गतिविधि संचालित करे जात हे। जेखर अंतर्गत सामुदायिक बाड़ी, मोटर ड्राइविंग यूनिट मुर्गी-बकरी पालन, तेल प्रसंस्करण यूनिट, आटा मिल, पॉपकोन मशीन, ठोस अपशिष्ट प्रबंधन, मेडिकल वेस्ट डिस्पोज संग आन गतिविधि मन सामिल हे। गौठान ले जुड़े सबो समूह के महिला मन मल्टी एक्टिविटी के माध्यम ले अब तक कुल 8 लाख 7 हजार 264 रूपिया के आय अर्जित करे हें।