भेंट-मुलाकात : डोंगरगाँव विधानसभा के ग्राम अर्जुनी

राजनांदगांव, मुख्यमंत्री श्री भूपेश बघेल अपन भेंट-मुलाकात अभियान के कड़ी म आज राजनांदगाँव ज़िला के डोंगरगाँव विधानसभा के ग्राम अर्जुनी पहुँचिन। अर्जुनी हैलीपैड म स्थानीय जनप्रतिनिधि अऊ गांव वाले मन ह मुख्यमंत्री श्री भूपेश बघेल के स्वागत चरखा म खादी के धागा अऊ गमछा भेंट करके स्वागत करिन। मुख्यमंत्री ह घलोक आत्मीय भाव ले मनखे मन ले मुलाकात करिन अऊ ये मया बर आभार जताइन।
उमन छत्तीसगढ़ महतारी के फोटू म माला चढ़ा के अउ दीया बार के भेंट-मुलाकात के शुरुआत करिन।
मुख्यमंत्री के संग विधायक अउ आन पिछड़ा वर्ग विकास प्राधिकरण के अध्यक्ष श्री दलेश्वर साहू, ज़िला सहकारी केंद्रीय बैंक के अध्यक्ष श्री नवाज़ खान, अर्जुनी के सरपंच श्रीमती द्रौपती साहू, मुख्यमंत्री के सचिव डॉ. एस. भारतीदासन, संभागायुक्त श्री महादेव कावरे, आईजी राजनांदगाँव रेंज श्री बद्रीनारायण मीणा, ज़िला कलेक्टर श्री डोमन सिंह, पुलिस अधीक्षक श्री प्रफुल्ल ठाकुर मंच म मौजूद रहिन।