दुर्ग, मुख्यमंत्री श्री भूपेश बघेल डोंगरगढ़ विधानसभा के ग्राम बेलगांव म भेंट-मुलाकात के बेरा म किसान छन्नूराम भारती ल जब पता चलिस कि प्रदेश के मुखिया वोखर गाँव आवत हे त गदगद होके भारती ह प्रशासन के माध्यम ले मुख्यमंत्री श्री भूपेश बघेल ल अपन घर म भोजन बर आमंत्रित करिस। किसान श्री भारती के बात मुख्यमंत्री तक पहुँचीस त उमन खुसी खुसी एला स्वीकार करिन अऊ मंझनिया के भोजन बर किसान के घर पहुँचिन। मुख्यमंत्री श्री बघेल, खाद्य मंत्री श्री अमरजीत भगत, डोंगरगढ़ विधानसभा श्री भुवनेश्वर बघेल समेत आन अतिथि मन ह भुइयां म बइठके भोजन करिन। अतिथि मन ल भारती परिवार ह आत्मीय भाव ले चावल, अरहर दाल, रोटी के संग चना भाजी, खट्टा भाजी (अमारी भाजी), सलगा बड़ा, अमारी फूल के चटनी, जिमीकंद भुला (चटनी), बिजौरी, दही बोरा मिर्च, करौंदा के चटनी, पापड़ अऊ सलाद परूसिन। मुख्यमंत्री समेत सबो अतिथि मन ह स्वादिष्ट व्यंजन के आनंद लीन।
किसान श्री छन्नूराम ह मुख्यमंत्री ल जेवन बर दीस नेवत
