सुकमा, बिजली आज के आधुनिक जीवन म अपन अहम स्थान रखथे। जेखर बिना एक महल घलोक वीरान लागथे। अइसनहेच अंधकारमय जीवन व्यतीत करे ल विवश 615 परिवार ल आज शासन प्रशासन के मदद ले नवा अंजोर मिले हे। अब इहां रात के अंधियार म सांप बिच्छी के काटे के डर तो दूर होजेच हे संगेच लइका मन अपन भविष्य घलोक गढ़त हें, जेखर ओ मन ल कई बछर ले अगोरा रहिस।
कोलईगुड़ा, कमारगुड़ा, नागलगुण्डा, अऊ करीगुण्डम एक समय नक्सल गतिविधि बर कुख्यात रहे। जिहां प्रशासन के पहुंच मुश्किल रहिस। शासन के विकास, विश्वास अऊ सुरक्षा के सूत्र ल सफल बनात पुलिस अउ सुरक्षा बल मन ह नक्सल गुट ल अब खदेड़ देहे हे। गांव अऊ गांव के तीर कैम्प के स्थापना ले सीधा तौर म गांव वाले मन ल सुरक्षा के संग ही विकास के रद्दा मजबूत हो गए हे अऊ आज गांव म बिजली घलोक पहुंच गए हे।
सुकमा : सिलगेर, कोलईगुड़ा, कमारगुड़ा के गांव वाले मन के जीवन ले अंधियारी होइस दूर
