श्रमदान करके गांव के मनखे खेत मन ले गौठान पहुंचावत हें पैरा

रायपुर, कलेक्टर डॉ सर्वेश्वर नरेंद्र भुरे ह जिला के किसान मन ले जादा ले जादा पैरा दान करे के अपील करे हें ताकि गौठन मन म पशु मन बर चारा के व्यवस्था सुनिश्चित हो सकय। उमन पैरा ल अपन नजदीक के गौठान म दान करे के आग्रह करे हें। कलेक्टर के मार्गदर्शन म जिला म चलत पैरा दान महा अभियान म संबंधित विभाग के अधिकारी कर्मचारी तत्परता ले जुड़े हें।
उमन बताइन कि खेत मन म पड़े फसल के अवशेष ल जलाए ले होवइया प्रदूषण देश भर म एक समस्या के तौर म देखे जात हे। छत्तीसगढ़ राज्य म शासन अऊ जनता के आपसी समन्वय ह ये समस्या के समाधान खोज निकालना संभव प्रतीत होवत हे। धान के फसल काटे के बाद बांचे पैरा ल मनखे गौठान मन म दान करत हें। पैरा दान के ये महाअभियान म आम मनखे मन के संग संग, जनप्रतिनिधि अऊ प्रशासनिक अधिकारी घलोक अपन योगदान देवत हें।