राष्ट्रपति श्रीमती द्रौपदी मुर्मु ले राज्यपाल सुश्री उइके ह करिन सौजन्य भेंट

रायपुर, राष्ट्रपति श्रीमती द्रौपदी मुर्मु ले राज्यपाल सुश्री अनुसुईया उइके ह आज राष्ट्रपति भवन, नई दिल्ली म सौजन्य भेंट करिन। ये बेरा म उमन उंखर कुशलक्षेम जानिन। राष्ट्रपति श्रीमती मुर्मु ल राज्यपाल सुश्री उइके ह प्रदेश के कई गतिविधि मन के बारे म जानकारी दीन अऊ 12 जनवरी 2023 के प्रदेश के प्रतिष्ठित शासकीय नागार्जुन स्नातकोत्तर महाविद्यालय रायपुर के स्थापना के 75वां साल पूरा होए म आयोजित ‘हीरक जयंती समारोह’, एमिटी विश्वविद्यालय रायपुर के दीक्षांत समारोह अऊ आदिवासी शिव संस्कृति समिति, जिला-नर्मदापुरम कोति ले 12 ले 18 फरवरी 2023 ल आयोजित महिला सशक्तिकरण कार्यक्रम म मुख्य अतिथि के रूप म सामिल होए बर आमंत्रण दीन। राष्ट्रपति ह अपन निरधारित कार्यक्रम के मुताबिक यथासंभव आए के बात कहिन।