बलरामपुर, मुख्यमंत्री श्री भूपेश बघेल के मंशा सदैव महिला मन ल आर्थिक रूप ले सशक्त बनाए के रहे हे, जेखर तहत गौठान मन ल मल्टीएक्टिविटी ले जोड़े के काम करे जात हे। जिला बलरामपुर-रामानुजगंज कलेक्टर श्री विजय दयाराम के. के निर्देशन म महिला स्व-सहायता समूह के महिला मन ल आजीविका सवंर्धन बर उद्यान विभाग कोति ले प्रशिक्षण, मार्गदर्शन अऊ मशरूम के खेती ले संबंधित जरूरी सामान जइसे – बीज, पॉलीथीन बैग्स, चाक पाउडर आदि प्रदान करके मशरूम उत्पादन बर निरंतर प्रोत्साहित करे जात हे। बसन्तपुर गौठान के सामुदायिक बाड़ी म काम करत आकाश महिला स्व-सहायता समूह के महिला मन मशरूम के खेती, मधुमक्खी पालन अऊ कश्मीरी मिर्च के उत्पादन करके आत्मनिर्भरता के नवा कहानी गढ़त हें।
विकासखण्ड वाड्रफनगर के ग्राम बसन्तपुर के गौठान म संचालित सामुदायिक बाड़ी म काम करइया आकाश महिला स्व सहायता समूह के सदस्य श्रीमती सोनमती कुशवाहा बताथे कि पहिली ओ मन सामान्य खेती-बाड़ी करके जीवन यापन करत रहिन, जेखर से ऊंखर परिवार के पालन-पोषण, लइका मन के पढ़ई-लिखई के खरचा वहन करे म काफी परेशानी के सामना करना परत रहिस, अऊ आर्थिक तंगी रोड़ा साबित होत रहिस, फेर मुख्यमंत्री श्री भुपेश बघेल के महत्वाकांक्षी सुराजी ग्राम योजना के तहत बसन्तपुर म गौठान खुलिस अऊ बिहान के माध्यम ले जुड़े के मौका मिलीस। जेखर बाद बंसतपुर गौठान म मल्टीएक्टिविटी के तहत उद्यान विभाग कोति ले आयोजित प्रशिक्षण शिविर म मशरूम उत्पादन, काश्मीरी मिर्च के खेती, मधुमक्खी पालन के प्रशिक्षण लीन।
समूह ले लोन लेके घरे म शुरू करिन मशरूम खेती
श्रीमती सोनमती कुशवाहा ह बताइस कि समूह ले 60 हजार रूपिया के लोन लेके घरे म मशरूम के खेती करिस, अऊ शुरुआती दौर म ही 2 लाख रूपिया के आमदनी होइस, जेखर से वोखर हौसला ल नवा उड़ान मिलीस अऊ एखर बाद वो ह ह मधुमक्खी पालन अऊ काश्मीरी मिर्च के खेती के काम घलोक चालू करिस, अऊ मधुमक्खी पालन ले वो ह ह 60 किलोग्राम शहद के उत्पादन करके 70 हजार के आर्थिक आमदनी प्राप्त करिस। श्रीमती कुशवाहा ह बताइस कि मशरूम के खेती ले रोजेच 20 ले 30 किलो मशरूम के उत्पादन होवत हे, जेन ल बेचके पाछू 3 बछर म 7 लाख रूपिया के कमई करे हे, अऊ अपन परिवार के आर्थिक जरूरत ल पूरा कर पाय म अब वो ह सक्षम हे।
