जशपुरनगर : कुमारी प्रियंका अऊ साक्षी ल विभाग कोति ले देहे गीस सहायता राशि

जशपुरनगर, छत्तीसगढ़ सरकार कोति ले श्रमिक मन के उत्थान अउ कल्याण के दिशा म संचालित कई ठन कल्याणकारी योजना मन के माध्यम ले श्रमिक अउ ऊंखर परिवारजन मन ल लाभान्वित करे जात हे। योजना के लाभ मिले ले हितग्राही मन के संगेच ऊंखर परिजन मन ल घलोक संबल मिलत हे। श्रम विभाग के असंगठित कर्मकार मृत्यु अउ दिव्यांग सहायता योजना के तहत हितग्राही मीना सन्यासी के इंतकाल हो जाय म वोखर वारिसान मन ल एक लाख के सहायता राशि मिले ले राहत मिले हे।
मुख्यमंत्री निर्माण श्रमिक मृत्यु अउ दिव्यांग सहायता योजना के अंतर्गत हितग्राही के मृत्यु हो जाय म अब ऊंखर नामिनी ल 1 लाख रूपिया देहे जात हे। साल 2022-23 म महिला श्रमिक स्व. मीना सन्यासी के मृत्यु होए म वोखर वारिसान दुनों बेटी मन ल 50-50 हजार रूपिया कुल एक लाख के सहायता राशि श्रम विभाग के माध्यम ले देहे गए हे।
स्व. मीना सन्यासी जिला म श्रम विभाग के अंतर्गत घरेलू कामगार प्रवर्ग म पंजीकृत श्रमिक रहिस। वोखर मृत्यु होए म वोखर वारिसान दू बेटी कुमारी प्रियंका सन्यासी अउ कुमारी साक्षी सन्यासी ल 50-50 हजार रूपिया के सहायता राशि देहे गीस।