कोण्डागांव, छत्तीसगढ़ म परिवहन संबंधी सेवा मन ल आसान अऊ घर के तीरेच म उपलब्ध कराए के उद्देश्य ले जिला म परिवहन सुविधा केन्द्र के स्थापना करे गए हे। एखर तहत जिला म कुल 12 परिवहन सुविधा केन्द्र प्रस्तावित हे। अभी हाल म अब तक कुल 9 परिवहन सुविधा केन्द्र मन के स्थापना होए हे अउ बांचे 3 परिवहन सुविधा केंद्र बर नवा आवेदन आमंत्रित करे जात हे।
जानबा हे कि मुख्यमंत्री श्री भूपेश बघेल ह परिवहन संबंधी सेवा मन म विस्तार बर पूरा प्रदेश म 1000 परिवहन सुविधा केन्द्र के स्थापना के घोषणा करे हें।छत्तीसगढ़ देश के पहिली राज्य हे। जिहां परिवहन सुविधा केंद्र के स्थापना करे जात हे। ए सुविधा केंद्र मन के बाद अब मनखे मन ल न केवल एजेंट मन ले छुटकारा मिलही भलुक घर के नजदीक ही परिवहन ले संबंधित जम्मो काम घलोक पूरा हो जाही। परिवहन सुविधा केन्द्र के स्थापना ले एक कोति जिहां परिवहन सुविधा मन बर मनखे मन के पहुंच आसान होही। उहें मनखे मन ल एखर संचालन के संग रोजगार घलोक उपलब्ध होत हे। कोंडागांव जिला के 5 विकासखण्ड म अभी हाल म कुल 9 परिवहन सुविधा केंद्र संचालित करे जात हे जेमां ले कोण्डागांव ब्लॉक म तीन फरसगांव अऊ केशकाल ब्लॉक म दो-दो अउ बड़ेराजपुर अऊ माकड़ी म एक-एक परिवहन सुविधा केंद्र संचालित होवत हे।
कोण्डागांव जिला म 9 परिवहन सुविधा केन्द्र के सफलतापूर्वक करे जात हे संचालन
