मुख्यमंत्री श्री बघेल ह सहायता राशि कल 10 हजार ले बढ़ाके 20 हजार एकमुश्त के दिए हे
महासमुंद के सुहागा बाई ल योजना ले मिलिस आर्थिक लाभ
महासमुंद, नेहा राठौर के खबर/ छत्तीसगढ़ के श्रमिक मन लआर्थिक सहायता प्रदान करे ब छत्तीसगढ़ शासन के द्वारा मुख्यमंत्री श्रमिक सियान सहायता योजना चालू करे गए हे। ए महत्वकांक्षी योजना ले प्रदेश के वृद्ध-बुजुर्ग श्रमिक मन आर्थिक रूप ले लाभ पाथे।
उल्लेख करे के बात हे कि मुख्यमंत्री श्रमिक सियान सहायता योजना के अनतरगत 60 बछर के उमर पूरा कर डारे निर्मान श्रमिक मन ल मंडल के सदस्यता ले निवृत्त होए ले पहिली बेहतर जीवन यापन करे ब राज्य सरकार ह आर्थिक सहायता के रूप म 10,000 रुपिया के एकमुश्त राशि देत हे।
नवा बछर 2023 के अवसर म राजधानी रायपुर के चावड़ी म मजदूर मन से भेंट करत हुए मुख्यमंत्री श्री भूपेश बघेल ह ए योजना के अनतरगत 10,000 रूपिया ले बढ़ाके 20,000 रूपिया के एकमुश्त सहायता राशि देहे के घोषणा करे रहिस हे। योजना के अनतरगत महासमुंद जिला के श्रमिक श्रीमती सुहागा बाई निवासी ग्राम खैरा के खाता म 20 हजार रूपिया आइस हे।20,000 रूपिया मिले म ओहा अबड़ खुश हे।
महासमुंद जिला म ए योजना म 26 झन श्रमिक सियान मन के पंजीयन होए हे। अउ अभी तक10 झन श्रमिक सियान मन ल 20-20 हज़ार रूपिया के एक मुश्त राशि दे दिए गए हे। श्रमिक श्रीमती सुहागा बाई ह बताइस के ओ ह खेती-मजदूरी के बुता करथे। ओकर बेटा ह ओला ए योजना के बारे म बताइस अउ श्रम विभाग म ओकर आवेदन करवाईस।सुहागा बाई कहिस के ए योजना ले हमन असन वृद्ध श्रमिक मन ल बहुत फइदा होत हे। 60 बछर के उमर म शरीर म मजदूरी करे ब सख् साखा नई रहे अउ लोगन मन बुता घलो नई देवए। राज्य शासन के ए योजना हमन जईसे श्रमिक मन ब बरदान बनिस हे अउ 20 हजार रूपिया ह हमन के परिवार ब बड़ उपयोगी हे।ओहा शासन के आभार व्यक्त करके धन्यवाद दीस हे।
