मनरेगा ले लाभान्वित होत हे किसान: कुआँ ह बढ़ईस धान के पैदावार

वीर सिंह के खेत म छइस हरियाली
बिलासपुर, नेहा राठौर के खबर/ जिला के कोटा ब्लाक म आदिवासी बाहुल्य अंचल के एक छोटकन ग्राम पंचायत कुरदर, जिहा श्री वीर सिंह अपन परिवार के संग खुशहाल जीवन जियत हे। ओकर खुशहाली म मनरेगा के तहत कुआं निर्माण के महत्वपूर्ण भूमिका के। कुआं बने ले ओला सिंचई के एक स्थायी साधन मिलिस अउ अब ओ ह धान के बढ़िया फसल लेके अपन आर्थिक स्थिति प मजबूत करे ब सरलग मेहनत करत हे।
मनरेगा के तहत लाभान्वित होए किसान श्री वीर सिंह बतात के कि बारिश के अलावा ओकर करा सिंचई के अउ कोनो साधन नई रहिस हे। धान के फसल ब पानी अमृत के समान होथे। पानी के स्थायी साधन नई होए ले धान के पैदावार म अबड़ फरक पड़त रहिस हे। सालभर अबड़ मेहनत करे के गए ले घलो पौने तीन एकड़ जमीन ले केवल 25 ले 30 क्विंटल धान के पैदावार होवए। ओकर समस्या ल देख के रोजगार सहायक ह ओला अपन जमीन म पर कुआं निर्माण करवाए के सलाह दीस। मनरेगा योजना के तहत ओला कुआं निर्माण करवाए ब 2 लाख 72 हजार रूपिया के राशि स्वीकृत होइस। जेकर से ओकर भुंइया म कुआं के निर्माण कराए गईस। श्री सिंह ह बताइस के कुआं म पर्याप्त पानी होए के कारण फसल के पैदावार म बढ़ोत्तरी घलो होवत हे। अब ओकर भुइंया ले 40 ले 45 क्विंटल धान के पैदावार होए लगे हे। थोर बहुत धान ल अपन ह राख के बाकी बाचे धान ल बेचके अपन आर्थिक स्थिति ल मजबूत करत हे। इकर संग ही अब ओमन ल पीए के पानी लिए ब घलो दूरिहा नई जाए ल परए।
योजना ले मिले लाभ के खुशी म वीर सिंह बतात रहिस हे कि अब ओकर परिवार ह खुशहाल जीवन जियत हे। आर्थिक स्थिति घलो अब पहिली ले बढ़िया हो गए हे। योजना ल वरदान माने वाले श्री सिंह अब पानी के चिंता ले पूरा तरिका ले मुक्त हो गए हे।