गउठान मन म लगत हे तेल पेराई इकई

महिला मन ल मिलत हे रोजगार के अवसर

रायपुर, नेहा राठौर के खबर/ प्रदेश के गउठान मन ह आजीविका पाए के प्रमुख बिंदु बनके निकलत हे एकर ले महिला स्व-सहायता समूह मन ल रोजगार मिलत हे। गउठान मन म वर्मी कम्पोस्ट निरमान, मुरगी पालन, मछरी पालन, बागबानी फसल के संग अब मसाला, साबुन निरमान, तेल पेरई जइसे इकाई इस्थापित कर के रोजगार के अवसर मिलत हे।
मुख्यमंत्री श्री भूपेश बघेल ह प्रदेश इस्तर म भेंट-मुलाकात कारिकरम के बेरा दिए निरदेस अउ घोषना म सरलग बुता ह चलत हे अउ मनखे मन ल सीधा फईदा मिलत हे। इही बुता ल आघू बढ़ाए ब मुख्यमंत्री के कहे म जशपुर जिला के नन्हेसर अउ पंडरापाठ गउठान म तेल पेरई यूनिट लगाए गईस हे। जिला खनिज न्यास मद ले लगे ए इकई ह स्व सहईता समूह के महिला मन के रोजी रोटी के साधन बनत हे। दूनों गउठान मन म बुता करोइया स्व-सहायता समूह के महिला मन ह तेल मिल मिले म मुख्यमंत्री ल अभार दिहिस।
नन्हेसर गउठान के लक्ष्मी स्व-सहायता समूह के महिला मन ह बतात रहिस हे अभी तक ले ओमन 120 लीटर तेल पेरई कर डारे हे, जेकर ले 200 रुपिया एक लीटर के हिसाब ले बेचके ऊमन ल 24 हजार रूपिया के कमई होइस हे। अउ संग म खली ल बेच के 9 हजार रुपिया मिले हे।