मछरी पालन कर के झोकत हे बढ़िया आमदनी
मुंगेली, नेहा राठौर के खबर/ मुंगेली विकासखण्ड के गांव केशली के किसान श्री जयकुमार ओगरे ह मछरी पालन ल अपन व्यवसाय बनाए हे। ओ ह अपन भुंइया म तालाओ बनवा के मछरीपालन ले बने पईसा कमावत हे। किसान श्री ओगरे ह बतइस के वित्तीय वर्ष 2021-22 म ओ ह अपन 01 हेक्टेयर भुइंया म तालाओ बंनवाइस, जेन म ओ ह रोहू, कतला, मृगल किसिम के मछरी पालन करत हे, जेकर ले ओला एकेच बछर म मछरी पालन ले 06 लाख रूपिया के सुद्ध आमदनी होइस हे। संग म शासन के प्रधानमंत्री मत्स्य संपदा योजना के कोती ले 04 लाख 20 हजार रूपिया के अनुदान घलो मिलिस।
किसान श्री ओगरे ह बतइस के पढ़ई म ओ ह बीसीए स्नातक हावय अउ ओला सुरुच ले खेती-किसानी अउ मछरी पालन म रुची रहिस हे तेकर सेती ओ ह संबंधित विभाग म जाके विभाग के योजना के बारे म जानकारी लिहिस। ऊहां ल ओला बतइस कि शासन कोती ले प्रधानमंत्री मत्स्य सम्पदा योजना चलाए जाथ हे। ए ह एक अइसे योजना हे जेकर अनतरगत जलीय कृषि करोइया किसान मन ल बैंक ऋण, बीमा अउ कए परकार के सुविधा दिए जाथे। मत्स्य पालन विभाग के उपसंचालक ह बतइस कि सरकार ह ए योजना ल जलीय कृषि ल बढ़ावा देना चाहत हे,जेकर से जलीय क्षेत्र म व्यवसाय ल एक बड़का पइमाना तक बढ़ाए जा सके। पीएमएमएसवाई योजना के अनतरगत सरकार कोती ले मछरी पालन के क्षेत्र म काम बुता करोइया मन ल ऋण दिए जाथ हे।
