रायपुर, नेहा राठौर के खबर/ मुख्य सचिव श्री अमिताभ जैन ह आज इहां मंत्रालय महानदी म राज्य शासन के प्राथमिकता वाले योजना मन के क्रम म ऊर्जा और वित्त विभाग के समीक्षा करिस। मुख्य सचिव ह विद्युत उपभोक्ता मन के सुविधा ब अति आधुनिक ऑनलाईन सिकायत अउ निराकरण प्रणाली विकसित करे के योजना के संबंध म अधिकारि मन ले जानकारी लीहिस। ऊर्जा विभाग के अधिकारि मन ह बताइस के मुख्यमंत्री श्री भूपेश बघेल के घोषणा के अनुसार मोर बिजली मोबाईल ऐप के माध्यम ले बिजली से संबंधी ऑनलाइन सिकायत के निराकरण करे के संबंध म जानकारी दीहिस। अधिकारि मन ह बताइस कि विद्युत शिकायत अउ निराकरण करे ब टोल फ्री नम्बर-1912 के उपयोग करे जा सकत हे। मुख्य सचिव ह ऊर्जा विभाग के अधिकारि मन ले विद्युत शुल्क मद ले बकाया राशि के वसूली समेत शासन के विभाग अउ उद्योग मन ले लंबित विद्युत शुल्क के वसूली के संबंध म विभागीय अधिकारि मन ल जरूरी दिशा-निर्देश दिहिस। बईठक म ऊर्जा विभाग अउ मुख्यमंत्री के सचिव श्री अंकित आनंद घलो रहिस हे।
मुख्य सचिव ह किसान के सुविधा ब नदी के तीर म म विद्युत लइन के व्यवस्था, नवा पॉवर प्लांट, ग्रामीण क्षेत्र म सेपरेट-एग्री फीडर अउ रीवेम्पड डिस्ट्रीब्यूशन सेक्टर स्कीम के संबंध म विस्तार ले जानकारी लीहिस। वित्त विभाग के समीक्षा के बेरा कई ठ विभाग कोती ले शासकीय राजस्व वसूली ब वाणिज्यिक कर, खनिज, आबकारी, जल संसाधन, परिवहन, राजस्व, स्टाम्प अउ पंजीयन समेत अउ आने विभाग मन संग जरूरी समन्वय कर के कार्य करने के निर्देश दिए हे। बईठक म ऊर्जा विभाग, क्रेडा, छत्तीसगढ़ स्टेट पॉवर डिस्ट्रीब्यूशन कंपनी लिमिटेड अउ वित्त विभाग के अधिकारी संघरिन।
