उत्तर बस्तर कांकेर, नेहा राठौर के खबर/ नरहरपुर विकासखण्ड के गांव बादल के रहोईया किसानिन श्यामा बाई नेताम करा 08 ईकड़ भुइयां हावय, जेन म के 05 ईकड़ म धान अउ आने फसल के खेती करत रहिस हे, बाचे 03 ईकड़ भुइयां ह बंजर रहिस हे। ओमा ओ ह उद्यानिकी फसल लगाए ब सोचिस। जेमा नलकूप, फेंसिंग अउ भूमि समतलीकरण कर के उद्यान विभाग के अधिकारी करा मिलकर उद्यानिकी फसल के खेती के संग संग विभाग म संचालित योजना के जानकारी लिस।
श्यामा बाई नेताम ह बताइस के राज्य पोषित योजना वर्ष 2018-19 म आम विभागीय योजना म रकबा 0.50 हेक्टयर म 50 कलमी आमा के पउधा के विभाग के तकनीकी मार्गदर्शन म रोपे गए रहीस हे। ए योजना म उद्यान विभाग कोती के 05 हजार 469 रूपिया पांच बछर तक पउधा के खातु माटी अउ रखरखाव ब अनुदान मिलिस। साल 2022 -23 म आमा के पउधा म फल लगे के सुरू हो गईस जेन म पहिली फर ल 02 हजार किलो ल धमतरी के मंडी म बेचिस, अउ 75 हजार रुपिया कमईस।
ओइसने उद्यानिकी विभाग म संचालित राष्ट्रीय कृषि विकास योजना वर्ष 2021-22 म केला क्षेत्र विस्तार योजना रईपुर ले 1800 नग टिशू कल्चर केला पौधा के 2-2 मीटर के अंतराल म रोपण करे गईस जेन म विभाग कोती ले 18 हजार 750 रुपिया के अनुदान मिलिस। केला के पहिली कटाई ले 01 लाख 50 हजार रुपिया के कमई होइस।
वर्ष 2022-23 म राष्ट्रीय कृषि विकास योजना म हरदी, अदरक क्षेत्र विस्तार म विभाग कोती ले 01 लाख 20 हजार रुपिया के अनुदान मिलिस। हरदी अउ अदरक के कोड़ई के के कीसानिन ह 80 हजार रुपिया के बेचीस। योजना के जानकारी अउ सहयता ले आर्थिक विकास के संग स्थानीय लोगन मन ल को साल भर के रोजगार घलो मिलत हे।
