मुख्यमंत्री श्री भूपेश बघेल ह तीन दिवसीय माता कौशल्या महोत्सव के समापन म करिस लोकार्पण
लईट अउ लेजर शो के माध्यम ले श्रद्धालु मन ह जानीस माता कौशल्या के जीवन के कहानी
तीन चरण म वाटर ,लेजर, लइट ,साउंड प्रदरसनी के माध्यम ले प्रस्तुत करे जाथ हे जीवनी
म्यूजिकल फाउंटेन के माध्यम ले राज्यगीत, छत्तीसगढ़ी लोकशैली अउ देशभक्ति गीत के तको प्रस्तुति
रायपुर, नेहा राठौर के खबर/ मुख्यमंत्री श्री भूपेश बघेल ह राम वनगमन पर्यटन परिपथ के अनतरगत चंदखुरी के कौशल्या धाम परिसर म माता कौशल्या महोत्सव के पहिली 9 करोड़ 88 लाख रूपिया के लागत ले तियार वॉटर, लेजर, लईट अउ साऊण्ड शो के सुभारंभ करिस।
लोकार्पण के बाद म मुख्यमंत्री बघेल ह खुद दर्शक दीर्घा म जाके लेजर साउंड शो ल देखिस.
रायपुर के चंदखुरी म स्थित माता माता कौशल्या के जीवन चरित्र के विवरण शो के माध्यम ले तीन चरण म करे जाथ हे।
पहिली चरण ह 10 मिनट के हरे। दूसरा चरण 15 मिनट के, तीसर अउ अंतिम चरण के अवधि ह 15 मिनट के हरे।
ए तीन चरण के सिवाए लगभग 10 मिनट के अवधि के म्यूजिकल फाउण्टेन तको देखाय जाही। ए स्थल ह राजधानी रईपुर ले मात्र 27 कि.मी. के दुरिहा म हावय। 126 तलाव वाले ए गांव म जलसेन तलाव के बीच म माता कौशल्या के अबड़ जुन्ना एतिहासिक मंदिर इस्थित हावय जेन ह पूरा भारत म सिरिफ इहें ल हे । प्रभु श्रीराम के गोदी म बइठारे हुए माता कौशल्या के अद्भुत प्रतिमा ए मंदिर ल दुर्लभ बनाथे ।
