जिला प्रशासन ह पूरा करिस अपन वादा

बिसेस पछवाए जनजाति पहाड़ी कोरवा बस्ती कोठी पाठ तक बनीस पक्का के सड़क
पहाड़ी कोरवा बस्ती तक पक्का सड़क बने ले कोरवा परिवार म खुसि के ठिकाना नई हे
मुख्यमंत्री अउ जिला प्रशासन ल देवत हे को धन्यवाद
कलेक्टर डॉ रवि मित्तल दिसंबर म कोठी पाठ के कोरवा बस्ती के निरीक्षण करे रहिस हे ओ घान कोरवा परिवार मन ह रोड़ बनाए के मांग कलेक्टर करा करे रहिस हे
जशपुरनगर, नेहा राठौर के खबर/ बगीचा विकासखंड के सन्ना तहसील के दूरस्थ अंचल गांव अउ पहाड़ म बसे गांव कोठी पाठ के विशेष पिछडे़ जनजाति पहाड़ी कोरवा बस्ती म आए जाए ब जिला प्रशासन अउ कलेक्टर डॉ रवि मित्तल के सार्थक प्रयास ले पक्का सी सी रोड बन के तियार हो गए हे। पहाड़ी कोरवा बस्ती म सड़क बन जाए ले ओमन के खुसि के ठिकाना नई हे अउ  मुख्यमंत्री संग जिला प्रशासन धन्यवाद देत थकत नई हे।
उल्लेखनीय हवय कि पर साल(विगतवर्ष) 20 दिसम्बर 2022 के कलेक्टर डॉ रवि मित्तल अपन प्रशासनिक अधिकारी मन संग विशेष पिछड़ी जनजाति पहाड़ी कोरवा परिवार मन करा मिले कोरवा बस्ती कोठी पाठ पहुंचे रहिस हे। अउ ओमन के समस्या ल गंभीरता ले सुने रहिस हे अउ 2 किलो मीटर रोड़ बनावाए के गोठ के के गए रहीस हे आज जिला प्रशासन ह अपन वादा ल पूरा करिस अउ सड़क निरमान करवाईस ।
आपमन ल बतात चलिन के कई बछर ले कोठी पाठ जाए ब पक्का सड़क नई रहिस हे,वाहन मन ह तको नई जाए सकत रहिस हे काबर के कोठी पाठ ह पहाड़ म बसे हवय। कलेक्टर ह घलो निरीक्षण के बेरा अपन अमला के संग रेंगत रेंगत ही जाए ब पड़िस काबर के सड़क सकरा होए के सेती बडे़ गाड़ी नई पहुंचे सके। कलेक्टर ह कोरवा लईका मन ल आंगनबाड़ी अउ स्कूल भेजे के निर्देश दिस अउ संग म पालक मन ल तको प्रोत्साहित करत हुए जिला के विशेष पिछडे़ जनजाति पहाड़ी कोरवा आश्रम छात्रावास म रख के लईका मन ल बढ़िया शिक्षा देहे ब कहे रहिस हे ।