गरीब परिवार के बेटी मन ब सहारा बनीस नोनी सुरक्षा योजना

योजना के तहत अब तक 84 हजार ले जादा बेटी मन होइस पंजीकृत
रायपुर, गरीब परिवार म जनम लेहे वाली बेटी मन ब नोनी सुरक्षा योजना बड़ सहारा बनत हे। एकर से परिवार के बेटी मन के भविष्य ल लेके चिंता ह दूरिहा होइस हे। योजना के तहत गरीब परिवार के बेटी मन ल 18 बरस पूरे म अउ 12वीं उत्तीर्ण होए म एक लाख रूपिया प्रदान करे जाही। एकर ब जीवन बीमा निगम अउ महिला एवं बाल विकास विभाग के मध्य अनुबंध करे गए हे। नोनी सुरक्षा योजना के तहत राज्य सरकार कोती ले गरीब परिवार के पंजीकृत बालिका के नाम म भारतीय जीवन बीमा निगम म 05 बछर तक तक हर साल 5 हजार रूपिया माने के कुल 25 हजार रूपिया जमा करे जाही। अभी तक ले भारतीय जीवन बीमा निगम म कुल 122.64 करोड़ के राशि कॉरपस फंड म विनियोजित करे गए हे। नोनी सुरक्षा योजना अंतर्गत अभी तक 84 हजार 594 बालिका मन के पंजीकरण हो गए हे।
राज्य म कम होवत बाल लिंगानुपात अउ बालिका के प्रति समाज म सकारात्मक सोच बढ़ाए न 01 अप्रैल 2014 ले ’’नोनी सुरक्षा योजना’’ लागू करे गए हे। योजना के मुख्य उद्देश्य प्रदेश म बालिका मन के शैक्षणिक अउ स्वास्थ्य के स्थिति म सुधार लाना, बालिका मन के बने भविष्य के आधारशिला रखना, बालिका भ्रूण हत्या रोकना अउ बालिका के जनम के प्रति समाज म सकारात्मक सोच लाना अउ बाल विवाह के रोकथाम करना हे।
छत्तीसगढ़ राज्य के मूल निवासी अउ गरीबी रेखा के नीचे जीवन यापन करे वाले परिवार के 01 अप्रैल 2014 के बाद जनमे अधिकतम दू बालिका के योजना के तहत लाभ मिलथे। योजना के सुरू होए ले सहरी छेत्र के गरीब परिवार के संग दूरस्थ आदिवासी क्षेत्र म बसे परिवार मन म घलो बेटी के भविष्य के चिंता ह दूरिहा होइस हे। योजना के लाभ लिए ब जिला स्तर म जिला कार्यक्रम अधिकारी, जिला महिला एवं बाल विकास अधिकारी अउ विकासखण्ड स्तर म बाल विकास परियोजना अधिकारी ले संपर्क करे जा सकत हे।