जिला म स्व सहायता समूह के महिला मन ह बनात हे गोबर ले इमल्शन अउ डिस्टेंपर पेंट

अभी तक ले 7 हजार 368 लीटर ले जादा प्राकृतिक पेंट बनाए जा चुके हे
3 महीना म 17 लाख 43 हजार रुपिया के 7 हजार 351 लीटर पेंट के होइस विक्रय
कलेक्टोरेट बिल्डिंग समेत अउ भवन मनके गोबर पेंट से होइस पुताई
कोण्डागांव, छत्तीसगढ़ सरकार डहर ले एक अनूठंा पहल करत हुए राज्य म गोबर ले प्राकृतिक पेंट निर्माण ल बढ़ावा दिए जाथ हे। गौठान म महिला स्व सहायता समूह मन ह गोबर पेंट उत्पादन करके अपन आय म बढ़ोतरी करत हें।
छत्तीसगढ़ सरकार के महत्वाकांक्षी गोधन न्याय योजनान्तर्गत गौठान मन म 200 रुपिया प्रति क्विंटल के दर ले गोबर खरीदी करे जाथ हे। ए गोबर के उपयोग जैविक खाद के अलावा गोबर ले पेंट बनाए म घलो करत हे। कोण्डागांव जिला के मर्दापाल रोड स्थित शहरी गौठान म 26 जनवरी 2023 के गोबर ले प्राकृतिक पेंट निर्माण इकाई के लोकार्पण करे गए रहिस हे। जिहां स्व सहायता समूह के 10 झन महिला मन ह गोबर ले प्राकृतिक पेंट के निर्माण करत हावय। ए समूह के अध्यक्ष श्रीमती मीना विश्वास ह बतइस हे कि इहां गोबर ले डिस्टेंपर अउ इमल्शन पेंट के निर्माण करे जाथ हे। ए गोबर पेंट उत्पादन इकाई के स्थापना के 3 महीना के गए ले ही 7 हजार 368 लीटर ले जादा पेंट के निर्माण करे जा चुके हे अउ अभी तक 17 लाख 43 हजार रुपिया के 7 हजार 351 लीटर गोबर पेंट के बेचरी घलो करे जा चुके हे।