मुख्यमंत्री ह करिस लक्ष्मीन बाई रामु निषाद के घर भोजन

घर के सदस्य मन ह मुख्यमंत्री के पारम्परिक रूप ले पूरा आत्मीयता से आरती कर पुष्प गुच्छ  के संग स्वागत करिस
घर म भोजन ग्रहण करे पहुंचे मुख्यमंत्री श्री बघेल ल देख के सरपंच अउ परिवारजन खुशी से होइस गदगद
मुंगेली, मुख्यमंत्री श्री भूपेश बघेल ह खुड़िया गाँव के सरपंच श्रीमती लक्ष्मीन बाई रामु निषाद के इहां भोजन करिस। मुख्यमंत्री ल किसान के घर पारंपरिक छत्तीसगढ़िया भोजन अउ व्यंजन परोसे गए रहिस। कांस के थारी म परोसे गए भोजन म रोटी, दार, भात, पुटू(मशरूम), दही म बने अम्मटहा जिमिकांदा, आलू गोभी भांटा, चेंच भाजी, चुनचुनिया भाजी, डोडका, आमा के चटनी, सलाद, आचार, पापड़ अउ अंत म खीर मुख्यमंत्री ह ग्रहण करिस। मुख्यमंत्री ल खीर के स्वाद अबड़ बढ़िया लगिस अउ ओकर सराहना तको करिस। मुख्यमंत्री ह परिवारज मन ल ए मौका म परिवार के सदस्य मन ल भेंट घलो दिस। अउ सबके संग म ग्रुप फोटो घलो खिचाइस।