जल जीवन मिशन: राज्य म 22.40 लाख ले अधिक परिवार ल मिलिस घरेलू नल कनेक्शन

जांजगीर-चांपा घरेलू नल कनेक्शन देहे म सबले आघू
रायपुर, राज्य के ग्रामीण अंचल मन म निःशुल्क घरेलू नल कनेक्शन देहे के काम तेजी ले करे जाथ हे। प्रदेश म जल जीवन मिशन के अंतर्गत घर म शुद्ध पेयजल आपूर्ति न चलाए जाथ अभियान के अंतर्गत अभी तक ल3 22 लाख 40 हजार 711 घरेलू नल कनेक्शन दिए जा चुके हे। एकर संग संग राज्य के 43 हजार 942 स्कूल, 41 हजार 676 आंगनबाड़ी केन्द्र अउ 17 हजार 289 ग्राम पंचायत भवन अउ सामुदायिक उप-स्वास्थ्य केन्द्र मन म टेप नल के माध्यम ले शुद्ध पेयजल के आपूर्ति के व्यवस्था करे गए हे। जेमा छत्तीसगढ़ के जांजगीर-चांपा जिला म सबले जादा 1 लाख 95 हजार 387 ग्रामीण परिवार ल घरेलू नल कनेक्शन देहे म सबले आघू हे।
मुख्यमंत्री श्री भूपेश बघेल के नेतृत्व अउ लोक स्वास्थ्य यांत्रिकी मंत्री गुरु रुद्रकुमार के मार्गदर्शन म चलाए जाथ जल जीवन मिशन के अंतर्गत राज्य म प्रति व्यक्ति, प्रतिदिन 55 लीटर के मान ले शुद्ध पेयजल उपलब्ध कराय जाथ हे, एकर ब सब जिला म कार्ययोजना तियार कर के तेजी ले काम करे जाथ हे। ए मिशन के तहत घरेलू नल कनेक्शन के अलावा स्कूल, उप-स्वास्थ्य केंद्र अउ आंगनबाड़ी केन्द्र म तको रनिंग वाटर के व्यवस्था करे जथ हे। संगे संग जल जीवन मिशन के काम के क्रियान्वयन ल जमीनी स्तर म सचिव लोक स्वास्थ्य यांत्रिकी डॉ. एस. भारतीदासन अउ मिशन संचालक श्री आलोक कटियार कती ले सरलग मॉनीटरिंग करे जाथ हे।