छत्तीसगढ़ म तेजी ले चलत हे तेन्दूपत्ता संग्रहण के बुता

अभी तक लगभग 45 प्रतिशत तेंदूपत्ता के संग्रहण
16.72 लाख मानक बोरा के लक्ष्य के विरूद्ध 7.48 लाख मानक बोरा संग्रहित
रायपुर, छत्तीसगढ़ म तेन्दूपत्ता संग्रहण वर्ष 2023 के दौरान अभी तक 7 लाख 48 हजार मानक बोरा तेंदूपत्ता के संग्रहण करे जा चुके हे, जे ह लक्ष्य के 45 प्रतिशत के करीब हे। ज्ञातव्य हे कि राज्य म चालू वर्ष के दौरान 16 लाख 72 हजार मानक बोरा तेंदूपत्ता के संग्रहण के लक्ष्य रखे गय हे। वन मंत्री श्री मोहम्मद अकबर के मार्गदर्शन म वनांचल के आदिवासी-वनवासि मन ह तेंदूपत्ता के संग्रहण के बुता तेजी ले करत हे।
प्रबंध संचालक राज्य लघु वनोपज संघ श्री अनिल राय ले प्राप्त जानकारी के अनुसार राज्य म अभी तक संग्रहित मात्रा म के वनमण्डल बीजापुर म 38 हजार 579 मानक बोरा अउ सुकमा म 85 हजार 799 मानक बोरा तेंदूपत्ता के संग्रहण शामिल हे। अउ अइसने वनमण्डल दंतेवाड़ा म 15 हजार 630 मानक बोरा, जगदलपुर म 195 हजार 446 मानक बोरा, दक्षिण कोण्डागांव म 17 हजार 853 मानक बोरा अउ केशकाल म 24 हजार 577 मानक बोरा तेंदूपत्ता के संग्रहण होए हे। वनमण्डल नारायणपुर म 17 हजार 369 मानक बोरा, पूर्व भानुप्रतापपुर म 39 हजार 663 मानक बोरा, पश्चिम भानुप्रतापपुर म 11 हजार 874 मानक बोरा, अउ कांकेर म 28 हजार 312 मानक बोरा तेंदूपत्ता के संग्रहण हो गए हे।
ए प्रकार ले वनमण्डल राजनांदगांव म 30 हजार 581 मानक बोरा, खैरागढ़ म 14 हजार 781 मानक बोरा तेंदूपत्ता के संग्रहण होए हे। बालोद म 15 हजार 159  मानक बोरा, कवर्धा म 19 हजार  41 मानक बोरा, वनमण्डल धमतरी म 19 हजार 228 मानक बोरा, गरियाबंद म 73 हजार 537 मानक बोरा, महासमुंद 57 हजार 484 मानक बोरा अउ बलौदाबाजार 11 हजार 832 मानक बोरा तेंदूपत्ता क3 संग्रहण करे गय हे। वनमण्डल बिलासपुर म 12 हजार 580 मानक बोरा, मरवाही 3 हजार 16 मानक बोरा, जांजगीर-चांपा म 4 हजार 936 मानक बोरा, रायगढ़ म 38 हजार 908 मानक बोरा, धरमजयगढ़ म 56 हजार 177 मानक बोरा, कोरबा म 29 हजार 989 मानक बोरा अउ कटघोरा म 26 हजार 744 मानक बोरा के संग्रहण होए हे। इसने वनमण्डल जशपुर म 18  हजार 761 मानक बोरा, मनेन्द्रगढ़ 4 हजार 410 मानक बोरा अउ सरगुजा म 7 हजार 357 मानक बोरा, बलरामपुर म 1 हजार 519 मानक बोरा, सूरजपुर म 3 हजार 183 मानक बोरा तेंदूपत्ता के संग्रहण हो गए हे।