मतदान केंद्र के करिस निरीक्षण, स्ट्रांगरूम, मतगणना कक्ष, ईवीएम वेयरहाउस के अवलोकन कर दिस आवश्यक दिशा-निर्देश
कोरिया, मुख्य निर्वाचन पदाधिकारी छत्तीसगढ़ श्रीमती रीना बाबा साहेब कंगाले ह आगामी विधानसभा निर्वाचन के तइयारी के सम्बंध म आज कोरिया जिला के दौरा म पहुंचीस। ए दौरान ओ ह कलेक्टरेट सभाकक्ष म जिला कोरिया अउ जिला मनेन्द्रगढ़-चिरमिरी-भरतपुर के संयुक्त बईठक लीस। ओ ह दूनों जिला म निर्वाचन के सम्बंध म आवश्यक तईयारि के विस्तृत समीक्षा करिस। बईठक म जिला मनेन्द्रगढ़-चिरमिरी-भरतपुर कलेक्टर श्री नरेन्द्र कुमार दुग्गा, पुलिस अधीक्षक श्री टी.आर. कोशिमा, एसडीएम मनेद्रगढ़ श्री अभिषेक कुमार, संयुक्त कलेक्टर श्री अनिल सिदार, अतिरिक्त पुलिस अधीक्षक श्री रोहित कुमार, एसडीएम बैकुण्ठपुर श्रीमती अंकिता सोम अउ दूनों जिला के सम्बन्धित अधिकारी उपस्थित रहिस हे।
बईठक म सीईओ श्रीमती कंगाले ह जम्मो महत्वपूर्ण बिंदु म समीक्षा करत हुए जिला म कुल मतदान केंद्र, दुर्गम, पहुंचविहीन अउ संवेदनशील मतदान केंद्र के जानकारी लीस अउ सब्बो आवश्यक तईयारि करे ब निर्देश दिस। ओ ह आवश्यकतानुसार भवन परिर्वतन, मतदान केंद्र म बिजली, पेय जल, फर्नीचर, शौचालय, रैम्प आदि के जानकारी लीस। ओ ह कहिस कि मतदाता सूची म मतदाता के नाम जोडे़ सकेत अन्य काम निर्धारित प्रक्रिया के अनुरूप तय सीमा म करना, पोर्टल म डेटा अपलोड करना, इपिक कार्य पूर्ण करना सुनिश्चित करव।
मुख्य निर्वाचन पदाधिकारी ह लीस जिला कोरिया अउ मनेन्द्रगढ़-चिरमिरी-भरतपुर के संयुक्त बईठक
