उत्तर बस्तर कांकेर : लालचंद ल मिलही नवा जीवन, अपन आँखी ले देख सकही दुनिया

पढ़ई करे के सपना होही पूरा
उत्तर बस्तर कांकेर, ग्राम पंडरीपानी विकासखण्ड भानुप्रतापपुर निवासी चंद्रकांत कड़ियाम के बेटा लालचंद कड़ियाम ब जिला प्रशासन कती ले केंवटी गांव म आयोजित जनचौपाल अबड़ सार्थक सिद्ध होइस। कलेक्टर डॉ. प्रियंका शुक्ला कती ले लालचंद कड़ियाम के निःशुल्क ईलाज मेकाहारा रायपुर म करवाय जाथ हे। लालचंद बचपन ले ही अंधत्व के बीमारी ले पीड़ित रहिस हे, के सेती ओ ह शिक्षा ले घलो वंचित रह गय रहिस हे, देखई नई दे के सेती ओला स्कूल नई भेजत रहिस हे। गत दिवस ग्राम केंवटी म आयोजित जनचौपाल म चंद्रकांत कड़ियाम ह कलेक्टर के आघू अपन पीड़ा व्यक्त करत हुए अपन 11 वर्षीय पुत्र लालचंद कड़ियाम के अंधत्व के ईलाज ब मदद करे के गोहार लगाईस।
कलेक्टर डॉ. प्रियंका शुक्ला ह संवेदनशीलता के संग लालचंद ल दुलारत हुए कहिस कि एकर ईलाज घलो होही अउ ए ह स्कूल घलो जाही। ओकर पिता चंद्रकांत ल घलो भरोसा देवात हुए ओ ह अपन लइका ल पढ़ाए ब समझाईश दीस अउ मौका म उपस्थित खण्ड चिकित्सा अधिकारी ल लालचंद कमके स्वास्थ्य परीक्षण करे अउ ओकर ईलाज ब रायपुर भेजे के प्रबंध करे के निर्देश दिस। जिला शिक्षा अधिकारी ल निर्देशित करत हुए कहिस कि लईका के ईलाज होए के बाद ओकर शिक्षा के घलो प्रबंध कराय जाए । कलेक्टर डॉ. प्रियंका शुक्ला के निर्देश म स्वास्थ्य विभाग कटिस मेकाहारा रायपुर म ईलाज ब भर्ती कराय गय हे, जिहां ओकर आंखी के ईलाज होही। ऑपरेशन के बाद म लालचंद कड़ियाम अपन आंखी ले दुनिया देख सकही अउ शिक्षा तको प्राप्त करही। स्वस्थ्य होने के बाद लालचंद कड़ियाम के स्कूल जाए ले सपना पूरा होही। खण्ड शिक्षा अधिकारी भानुप्रतापपुर कती ले ओकर स्वस्थ्य होत ही शिक्षा के घलो प्रबंध करे जाही।