राममय होही छत्तीसगढ़

10 ले जादा राज्य के रामायण दल होही सम्मेलित
विदेशी दल के रामायण प्रस्तुति होही आकर्षक
मशहूर कलाकार अउ कवि अपन कला के प्रदर्शन
कुमार विश्वास, मैथिली ठाकुर, बाबा हंसराज रघुवंशी, लखबीर सिंह लक्खा,  शंमुख प्रिया अउ शरद शर्मा के होही प्रस्तुति
रायगढ़ के रामलीला मैदान म ‘राष्ट्रीय रामायण महोत्सव’ 01 से 03 जून तक
रायपुर, 21 मई 2023
छत्तीसगढ़ आगामी माह राममय होने वाला हे । 01 ले 03 जून तक रायगढ़ के रामलीला मैदान म राष्ट्रीय रामायण महोत्सव के आयोजन करे जाथ हे। संस्कृति विभाग कती ले महोत्सव के तियारी उमंग के संग करे जाथ हे। महोत्सव म विशेष रूप ले अरण्य कांड क केंद्रित रामायण गाथा के प्रस्तुति होही। मान्यता हे कि भगवान श्री राम अपन वनवास काल के घनी जादा समय छत्तीसगढ़ के दंडकारण्य म बिताए रहिस हे। महोत्सव म विदेशी कलाकार मन कती ले घलो आकर्षक स्वरूप म रामगाथा के मंचन करे जाही।
संस्कृति विभाग के अधिकारी मन ह बताइस कि रायगढ़ के रामलीला मैदान म आयोजित होए वाले राष्ट्रीय रामायण महोत्सव म मध्यप्रदेश, उत्तरप्रदेश, महाराष्ट्र, केरल, गोवा, असम, उत्तराखंड अउ हिमाचल प्रदेश के संग लगभग 10 राज्य के रामायण दल महोत्सव म सम्मिलित होने वाला हे। एकर संग ही विदेशी रामायण कलाकार म कती ले विशेष रूप ले रामायण के आकर्षक मंचन करे जाही। उल्लेखनीय हे कि दक्षिण एशियाई देश मन म घलो रामलीला के मंचन के परंपरा जीवित हावय, ओ देश के दल मन घलो रामायण महोत्सव म शामिल होही।
तीन दिवसीय ए वृहद आयोजन म प्रतिदिन राष्ट्रीय स्तर के बड़े कलाकार मन के प्रस्तुति घलो होही। 1 जून के इंडियन आइडल फेम शंमुख प्रिया अउ सारेगम फेम शरद शर्मा शिरकत करही। उहें 2 जून के मशहूर गायक बाबा हंसराज रघुवंशी अउ लखबीर सिंह लक्खा के संगीतमय प्रस्तुति होही। 3 जून के लोकप्रिय भजन गायिका मैथिली ठाकुर अउ देश के मशहुर कवि कुमार विश्वास के प्रस्तुति ले रामभक्ति के धारा बोहाही।
मुख्यमंत्री श्री भूपेश बघेल के विशेष पहल म राज्य शासन कती ले राम-वन-गमन पर्यटन परिपथ परियोजना के तहत भगवान श्री राम के वनवास काल के दौरान यात्रा ले जुड़े प्रदेश के ऐतिहासिक स्थल ल पर्यटन के रुप म विकसित करे जाथ हे। सरगुजा ले लेके बस्तर तक जिहाँ-जिहाँ प्रभु श्री राम के चरण पड़े हे, ओ स्थल मन ल पर्यटन के रुप म विकसित करे जाथ हे।