लगभग 71 करोड़ ले जादा राशि के विभिन्न विकास कार्य के करिस लोकार्पण, भूमिपूजन अउ शिलान्यास
रायपुर 22 मई 2023
मुख्यमंत्री श्री भूपेश बघेल ह कोरबा जिला के रामपुर विधानसभा क्षेत्र के ग्राम चिर्रा म आयोजित भेंट-मुलाकात कार्यक्रम म विभिन्न विकास कार्य के सौगात दीस। श्री बघेल विधानसभा रामपुर क्षेत्र अंतर्गत लगभग 71 करोड़ 23 लाख ले जादा राशि के 65 विकास कार्य के लोकार्पण, भूमिपूजन अउ शिलान्यास करिस। जेकर अंतर्गत 44 करोड़ 33 लाख रूपिया राशि के 33 विकास कार्य के लोकार्पण अउ 26 करोड़ 90 लाख रुपिया ले अधिक राशि के 32 विकास कार्य के भूमिपूजन अउ शिलान्यास तको करिस।
रामपुर विधानसभा क्षेत्र आगमन म मुख्यमंत्री श्री बघेल क्षेत्रवासि मन ल सौगात देत हुए अनेक विकास कार्य के लोकार्पण करिस। जेकर तहत लोक निर्माण विभाग उपसंभाग कोरबा के अंतर्गत 28 करोड़ 28 लाख के चांपा गेवरा रेलमार्ग पर उरगा रेलवे स्टेशन के तिर रेलवे ओव्हर ब्रिज निर्माण के 1 कार्य, लोक निर्माण विभाग कोरबा संभाग म 9 करोड़ 14 लाख 88 हजार के तिलाईडबरा ले करतला रोड तक 2 कि.मी. लंबा सड़क निर्माण पुल-पुलिया समेत 4 कार्य, वन विभाग के अंतर्गत 2 करोड़ 24 लाख 93 हजार के 8 सड़क निर्माण कार्य, पंचायत अउ ग्रामीण विकास विभाग अंतर्गत छत्तीसगढ़ ग्रामीण सड़क विकास अभिकरण के 8 कार्य ब 2 करोड़ 14 लाख 57 हजार, जनपद पंचायत करतला के अंतर्गत 1 करोड़ 81 लाख 91 हजार के 10 विभिन्न कार्य अउ स्वास्थ्य एवं परिवार कल्याण विभाग के अंतर्गत 6 करोड़ 8 लाख 76 हजार के 2 कार्य शामिल हे।
इ प्रकार शिलान्यास अउ भूमिपूजन के कार्य के तहत लोक स्वास्थ्य यांत्रिकी विभाग अंतर्गत 20 करोड़ 53 लाख 77 हजार के 22 कार्य, छत्तीसगढ़ राज्य विद्युत मण्डल कंपनी मर्यादित कोरबा के 3 करोड़ 99 लाख 63 हजार के 2 कार्य, छत्तीसगढ़ गृह निर्माण मण्डल संभाग कोरबा अंतर्गत 1 करोड़ 42 लाख 24 हजार के 2 कार्य अउ पंचायत एवं ग्रामीण विकास विभाग अंतर्गत 94 लाख 60 हजार के 6 कार्य शामिल हे।
