– रीपा वर्क शेड म दोना-पतरी निर्माण के काम ले जुड़ीस महिला मन*
– इहां के समान के बेचरि ब सी-मार्ट के संग बजार ले करे गए हे लिंक
– बुता काम करत करत बांट लेथे, सुख-दुख : श्रीमती गुणेश्वरी साहू
– विमला, मथुरा, चंद्रिका ह स्थानीय स्तर म रोजगार मिले ले जाहिर के अपन खुशी
– अगरबत्ती निर्माण यूनिट के स्थापना ब समूह के महिला मन ह शासन ल दिस धन्यवाद
– वर्मी कम्पोस्ट के बिक्री कर के समूह के महिला मन ल मिलिस 7 लाख 22 हजार रूपिय के लाभांश राशि
राजनांदगांव, गांव ल सशक्त बनाए के दिशा म शासन के रूरल इंडस्ट्रियल पार्क रीपा योजना गेम चेंजर साबित होवत हे। सामूहिक सहभागिता के संग ग्रामीण क्षेत्र म उद्यमि मन ह बढ़ईस कदम । युवा मन ल स्थानीय स्तर म रोजगार मिलत हे। डोंगरगढ़ विकासखंड के गांव सहसपुर रीपा गौठान म ग्रामीण मन म खुशी के ठिकाना नई हे। रीपा अंतर्गत इहां बेहतरीन अधोसंरचना विकसित करे गए हे। रीपा वर्क शेड म दोना-पतरी निर्माण के बुता करे जाथ हे। ईहां बने दोना-पतरी के माँग ल देखत हुए ग्रामीण क्षेत्र म शादी, जन्मदिन, उत्सव अउ विभिन्न अवसर म अउ स्थानीय स्तर म दुकान मन मे विक्रय करे जाथ हे। उहें सी-मार्ट के माध्यम ले घलो दोना-पतरी के बिक्री करे जाही। इहां के प्रोडक्ट के मार्केटिंग ब सरलग प्रयास करे जाथ हे। ईहां दोना-पतरी के संग फ्लाई एस ब्रिक्स(ईंटा), अगरबत्ती निर्माण के बुता करे जाथ हे अउ फेब्रिकेशन यूनिट, कारपेंटर यूनिट, सिलाई यूनिट, मसाला यूनिट के बुता ह घलो जलदी सुरू होही। कलेक्टर श्री डोमन सिंह के मार्गदर्शन अउ जिला पंचायत सीईओ श्री अमित कुमार के निर्देशन म तेजी ले रीपा के अधोसंरचना ब काम करे जाथ हे।पद्मश्री जगतनंदिनी महिला स्वसहायता समूह के महिला ईहां दोना-पत्तल के निर्माण करत हे। समूह के श्रीमती गुणेश्वरी साहू ह कहिस कि हमार गांव म रीपा स्थापित होए ले बहुत बढ़िया लागत हे । पहिली बार घर ले बाहीर निकल के बुता काम करे के मौका मिले हे। दोना-पतरी के निर्माण कार्य करत हुए समूह के जम्मो सदस्य आपस म सुख-दुख घलो बांट लेथे। बातचीत करत करत बुता काम घलो पूरा हो जाथे। ओ ह बतइस कि प्राप्त राशि ले ओ ह अपन ब पक्का के घर बनाही।
वर्क शेड म महिला मन अगरबत्ती निर्माण यूनिट म अगरबत्ती के निर्माण करत हे। श्रीमती कुंती बाई ह बताइस कि जय माँ तुलसी स्वसहायता समूह अंतर्गत हमर गांव म रीपा अंतर्गत अगरबत्ती यूनिट के स्थापना करे गए हे। जेकर से हमन सब अबड़ खुश हन। ओ ह एकर ब छत्तीसगढ़ शासन ल धन्यवाद कहिस हे। रीपा अंतर्गत गौठान म समूह के महिला मन ह बताइस कि गोधन न्याय योजना के तहत अभी तक 4047.27 क्विंटल गोबर के खरीदी होए हे अउ किसान, पशु पालक मन ल 9 लाख रूपिया के फायदा होए हे अउ 7744.11 क्विंटल वर्मी कम्पोस्ट के उत्पादन करे गय हे। वर्मी कम्पोस्ट के बिक्री ले 7 लाख 24 हजार रूपिया लाभांश राशि प्राप्त होए हे। गांव के सरपंच श्री युवराज सूर्यवंशी ह बतइस कि रीपा के स्थापना के बाद गांव म बनेच परिवर्तन आए हे। पहिली मजदूर मन बुता करे ब बाहिर जात रहिन हे केकिन अब इंहा आजीविका मिले के सेती स्थानीय स्तर म ही लोगन मन ल बुता काम मिलत हे। ओ ह शासन अउ जिला प्रशासन ल रीपा के स्थापना ब अबड़ अकन धन्यवाद दिस हे।
