रामायण महोत्सव ल मिलीस बड़ सराहना
रायपुर, मुख्यमंत्री श्री भूपेश बघेल ह आज रायगढ़ जिला के रामलीला मैदान म राष्ट्रीय रामायण महोत्सव के शुभारंभ करिस। प्रदेश म आयोजित राष्ट्रीय रामायण महोत्सव ले न केवल छत्तीसगढ़ बल्कि पूरा देश के लोगन मन जुड़त हे अउ आज दिनभर सोशल मीडिया म राष्ट्रीय रामायण महोत्सव छाय रहिस हे। विभिन्न सोशल मीडिया माध्यम म राष्ट्रीय रामायण महोत्सव नंबर 01 म ट्रेंड करत रहिस हे अउ लोग मन राज्य सरकार के राष्ट्रीय रामायण महोत्सव के आयोजन के पहल के अबड़ सराहना करिस।
गौरतलब हे कि छत्तीसगढ़ म पहिली बार ‘राष्ट्रीय रामायण महोत्सव’ 01 ले 03 जून तक रायगढ़ के ऐतिहासिक रामलीला मैदान म आयोजित करे जाथ हे। ए राष्ट्रीय महोत्सव म देश के 12 राज्य समेत कंबोडिया अउ इंडोनेशिया के रामायण दल कती ले रामकथा म भक्तिपूर्ण प्रस्तुति दीए जाही। ए रामायण दल मन के प्रस्तुति म सर्वव्यापी भगवान श्रीराम के रामकथा के विविधतापूर्ण राष्ट्रीय-वैश्विक स्वरूप मन के झलक देखे ब मिलत हे।
रामायण के अरण्य काण्ड म रामायण दल के प्रतियोगिता घलो शुरू हो गए हे। अउ संगे संग महोत्सव म राष्ट्रीय स्तर म ख्याति प्राप्त कलाकार भजन संध्या म अपन संगीतमय प्रस्तुति दिही। रामलीला मैदान म तीन दिन तक रामकथा के अविरल भावधारा बोहाहि। ए राष्ट्रीय महोत्सव म केरल, कर्नाटक, ओड़िसा, असम, गोवा, पश्चिम बंगाल, उत्तर प्रदेश, हिमाचल प्रदेश, महाराष्ट्र, झारखण्ड, मध्यप्रदेश अउ छत्तीसगढ़ के रामायण दल संघरत हे। राष्ट्रीय रामायण महोत्सव के अंतिम दिन हिन्दी के प्रख्यात कवि कुमार विश्वास अपन विशेष प्रस्तुति ‘अपने-अपने राम म्युजिक नाईट’ ले भगवान श्रीराम के महिमा के बखान करही।
राष्ट्रीय रामायण महोत्सव: सोशल मीडिया म नंबर 01 म करिस ट्रेंड
