सुराजी ग्राम योजना ह हीरदई ल बनाइस आत्मनिर्भर

जगदलपुर, सुराजी ग्राम योजना ह गांव मन म आस के नवा दुआर खोल दे हे।  तोकापाल विकासखंड के चोंडीमेटा के हीरदई  के चार झन लईका हे। 6 सदस्य के ए परिवार हिरदई के पति के आमदनी म निर्भर रहिस हे, तेकर ब हीरदई घलो अपन पति के संग घर खरचा म अपन योगदान देना चाहत रहिस हे, फेर गांव म एकर ब पर्याप्त अवसर उपलब्ध नई रहीस हे।
मुख्यमंत्री श्री भूपेश बघेल के शुरू करे गए सुराजी ग्राम योजना ह हीरदई के सपना ल सकार करे के रस्ता देखइस हे। मुख्यमंत्री ह खेती-बारी ल नकसान पहुंचाए वाले अइर्रा किंदरत जानवर मन ल ठऊर उपलब्ध कराए के संग किसान मन ल जैविक खेती ब प्रोत्साहित करे ब सुरू करे गए गोधन न्याय योजना ले जुड़िस अउ गोबर बेचे, खातु बनाए, वर्मी बेचे के बुता करे लगीस। एकर संगे म ओ ह अंडा उत्पादन के काम घलो करे लागिस।
गोधन न्याय योजना के तहत हीरदई अब तक 63 हजार रुपिया ले जादा आय अर्जित कर डारे हे, जेमा 35 हजार रुपिया ले जादा ओ ह गोबर बेच के कमाये हे। ए पईसा ले ओ ह घर खरचा चलाए म अपन पति के सहयता करत हे अउ संग म नवा बरतन घलो बिसाये हे।