मुख्यमंत्री ह गोबर ले बने दिया ले करिस दीपदान
प्रदेशवासी मन के सुख-समृद्धि ब करिस कामना
रायपुर, मुख्यमंत्री श्री भूपेश बघेल आज रायगढ़ म केलो मैय्या के महाआरती कर के प्रदेश के सुख-समृद्धि के कामना करिस हे। ओ ह गौ माता ल चारा खवा के गोधन समृद्धि के कामना करिस। मुख्यमंत्री श्री बघेल ह ए मउका म गोबर ले बने रंग-बिरंगा दिया ले दीपदान करिस।
जगमगात दीया के संग केलो मैय्या के महाआरती के भव्यता ह बनारस के गंगा घाट के सुरता देवा दिस। अइसे लगत रहिस हे जईसे गंगा मैय्या ह सक्षात् रायगढ़ के धरती म उतर के लोग मन ल भक्ति रस ले सराबोर करत होही। ए अवसर म केलो मैय्या के जयकारा के संग जम्मो घाट गुंजायमान हो गइस अउ पूरा महोल भक्तिमय हो उठिस।
मुख्यमंत्री श्री बघेल के केलो महाआरती कार्यक्रम म पहंुचे के बेर केलो उद्धार समिति अउ सर्व समाज के लोग म ह ओकर आत्मीय स्वागत करिस। महाआरती कार्यक्रम म संस्कृति मंत्री श्री अमरजीत भगत, स्कूल शिक्षा मंत्री डॉ. प्रेमसाय सिंह टेकाम, उच्च शिक्षा मंत्री श्री उमेश पटेल, विधायक श्री चक्रधर सिंह, गौसेवा आयोग के अध्यक्ष राजेश्री महंत डॉ. रामसुन्दर दास समेत अनेक जनप्रतिनिधि घलो उपस्थित रहिस हे।
