कोण्डागांव : दुर्गम ईलाका के ग्रामीण मन ब कारगर साबित होवत हे डॉक्टर तुमचों द्वार

जिला के दुर्गम ईलाका के जरूरतमंद ग्रामीण तक स्वास्थ्य सुविधा के लाभ पहुंचाए ब जिला प्रशासन के पहल डॉक्टर तुमचो दुआर ल बेड़मा म मुख्यमंत्री श्री भूपेश बघेल के हाथ हरियर झंडी देखा के शुभारम्भ करते संग म ए महत्ती परियोजना ल सुदूर क्षेत्र म बढ़िया प्रतिसाद मिलत हे। डॉक्टर तुमचो दुआर आज ए ईलाका के ग्रामीण मन ब उपयोगी साबित होवत हे डॉक्टर तुमचो दुआर पहल के तहत डॉक्टर एक कॉल म स्वयं मरीज तक पहुंच के निःशुल्क जांच अउ उपचार करत हे जेकर से दूर-दराज के अइसे मरीज जेमन स्वास्थ्य केन्द्र तक आए म असमर्थ हे ओमन ल सीधा लाभ मिलत हे।
डॉक्टर तुमचो दुआर परियोजना ल जिला के दू ठ ब्लॉक बड़ेराजपुर अउ फरसगांव के पहुंचविहीन क्षेत्र मन धियान म राखके पायलेट प्रोजेक्ट के रूप म सुरू करे गय हे जेकर से जिला के अंतिम व्यक्ति तक स्वास्थ्य सुविधा आसानी ले पहुंच सके। डॉक्टर तुमचो दुआर के माध्यम ले लोगन मन एक कॉल के माध्यम ले अपन घर म ही कोनो बेरा म स्वास्थ्य सुविधा के लाभ ले सकत हे जिला प्रशासन कती ले ए परियोजना के बेहतर क्रियान्वयन ब एक कॉल सेंटर स्थापित करे गय हे जे ह 24 घंटा कार्यरत हे। ए कॉल सेंटर म कॉल आए के गए ले मरीज चाहे परिजन मन से बात करके एएनएम अउ अन्य कर्मचारी मन ल सूचित करे जाथे जेकर बाद डॉक्टर मरीज के परिजन मन करा चर्चाकर उपचार के संबंधी जरुरी दवइ के संग डॉक्टर तुमचो दुआर के वाहन ले मरीज तक विकट परिस्थि म घलो पहुँचथे अउ मरीज ल बेहतर ले बेहतर चिकित्सा अउ स्वास्थ्य सुविधा उपलब्ध कराथे।
डॉक्टर तुमचो दुआर ल पिछले ही हफ्ता सुरू कर बेहतर ढंग ले क्रियान्वित करे के फलस्वरूप अब एकर ले दूरस्थ ईलाका के जरूरतमंद मरीज लाभान्वित होवत हे। ए दिशा म अभी तक बड़ेडोंगर, आलोर, फुपगांव, कबोंगा, कुम्हारबड़गांव, लंजोड़ा, कोकोड़ा जुगानार, बीरापारा, पेण्ड्रावन, खलारी, खरगांव, बालेंगा, सलना ईत्यादि गांव मन के लगभग 28 ले जादा मरीज मन ल लाभान्वित करे गए हे एमा जादा कर के लकवा, उल्टी-दस्त, जोड़ों के दर्द अउ शारीरिक कमजोरी ईत्यादि ले पीड़ित मरीज शामिल हे।