रायपुर : जशपुर जिला म मुख्यमंत्री हाट-बाजार क्लीनिक ब बनाए गइस 112 स्वास्थ्य शिविर कुटीर

मरीज मन ल खुल्ला असमान के तरी अब नई कराए ल पड़े ईलाज 
 रायपुर, 6 जुलाई 2023
जिला प्रशासन कती ले दूरस्थ अंचल म मुख्यमंत्री हाट बाजार क्लीनिक योजना के तहत बेहतर लाभ देहे ब जशपुर जिला के 112 हाट बाजार म स्वास्थ्य शिविर कुटीर बनाय गय हे, जेकर ले मरीज अउ डॉक्टर मन ल घाम, पानी, हवा ले सुरक्षित रख सकय । चिकित्सक मन ल मरीज मन के ईलाज करे म समस्या झन होए। अब स्थाई रूप ले स्वास्थ्य कुटीर बनाए ले सुविधा अउ बाढ़ गईस हे। डॉक्टर मन ह ईलाज के बाद मरीज मन ल तत्काल निःशुल्क दवाई अउ परामर्श देथे। गांव के ग्रामीणजन मन ल हाट बजार के संग अपन घर के तिर म बेहतर स्वास्थ्य सुविधा के लाभ मिलत हे। एकर से ग्रामीणजन मन ल समय के संग पइसा के बचत होवत हे। अब उमन ल ईलाज ब दूरिहा-दूरिहा तक जाए के अवाश्यकता नई परय। हाट-बजार म खून जांच, बीपी, शुगर जांच, मलेरिया, टाइफाइड समेत आने बीमारी के घलो जांच होथे। ईलाज के बेरा गंभीर मरीज मन ल उच्च अस्पताल म रेफर घलो करे जाथे। 
Sucess story
Neha Rathore