महासमुंद : गौ पालन ले गृहिणी रुक्मणी पटेल आर्थिक स्वावलंबन के बनिस मिसाल

राज्य डेयरी उद्यमिता विकास योजना ले अपन सपना करिस सकार
महासमुंद 09 जुलाई 2023
महासमुंद जिला के विकासखण्ड बसना के ग्राम पड़कीपाली म एक गृहणी श्रीमती रूक्मणी पटेल गौ-पालन कर परिवार ल अपन बिसेस सहयोग प्रदान करत हे। पड़कीपाली के प्रगतिशील सीमांत कृषक परिवार ले श्रीमती रूक्मणी पटेल ह घर के बुता करे के संग संग अपन समे के सदुपयोग कर अपन परिवार के आर्थिक सहयोग करे ले ठानिस हे। किसान परिवार ले संबंध होए अउ पहिली ले थोड़ बहुत पशुपालन के जानकारी होए के सेती विभागीय कर्मचारी मन से पशुपालन संबंधी योजना के ओ ह जानकारी लिहिस, जेमा उमन ल छत्तीसगढ़ राज्य डेयरी उद्यमिता विकास योजना उपयोगी अउ लाभप्रद लगिस अउ ओ ह एकर न वर्ष 2021-22 म विभाग ले गौ पालन ब स्ववित्तीय आवेदन स्वीकृत करा ले दू ठ गाय बिसा के अपन डेयरी इकाई प्रारंभ करिस। ए कार्य म रुक्मणी पटेल के परिवारजन मन ह घलो उकर भरपूर सहयोग करिस।
ओ ह बतात हे कि उकर डेयरी इकाई ले प्रतिदिन लगभग 25 लीटर दूध उत्पादन होथे । 2-3 लीटर घरेलू उपयोग ब राखे के बाद बाचे दूध ल स्थानीय बजार म 50 रूपिया प्रति लीटर ले दर ले बेच के हर महीना लगभग बीस हजार रूपिया के शुद्ध लाभ होवत हे। घरेलू उपयोग ब राखे गये दूध ले घी अउ दही बना के हर महीना लगभग 2000-3000 रूपिया के अतिरिक्त आय घलो अर्जित होवत हे।
आज गौ पालन करत हुए श्रीमती रूक्मणी पटेल ल लगभग डेढ़ बछर पुर गए हे डेयरी खोले, ए समे म ओ ह लगभग साढ़े तीन लाख रुपिया आय अर्जित कर के परिवार ल अबड़ आर्थिक सहयोग प्रदान करे हे। फेर श्रीमती रूक्मणी पटेल अतके म ही संतुष्ट नई होइस, पशु पालन ले लाभ ल देखत हुए अउ अपन आर्थिक स्थिति ल अउ सृदृढ़ करे के उद्देश्य ले डेयरी इकाई के लाभ ले कुछ हिस्सा बचत करत हुए उकर द्वारा स्थानीय मांग के अनुसार ए बछर 8 ठी छेरी बिसाये हे। राज्य डेयरी उद्यमिता योजना ले श्रीमती रुक्मणी पटेल के स सफलता निश्चित तौर म महिला आत्मनिर्भरता अउ महिला सशक्तिकरण ब विशेष सोपान सिद्ध होवत हे। ओकर सफलता म राज्य सरकार के ए योजना के महती भूमिका हे।
Sucess story
Neha Rathore