रीपा म संचालित सेवा गतिविधि ले हितग्राही मन ल 37 लाख रुपिया के आय होइस हे
रायपुर 12 जुलाई 2023
छत्तीसगढ़ सरकार के रीपा योजना वास्तव म सुराजी गांव योजना के तहत गांव मन म निर्मित गौठान म संचालित आयमूलक गतिविधि ले प्रमुख केन्द्र हे। रीपा केन्द्र म विभिन्न गतिविधि संचालित करे जाथ हे। सेवा गतिविधि म राज्य के आकांक्षी जिला दंतेवाड़ा पहिली अउ कांकेर दूसर स्थान म हे।
गौठान म रीपा के माध्यम ले आयमूलक गतिविधि के संचालन ब शासन कती ले आधारभूत संरचना अउ संसाधन उपलब्ध कराए जाथ हे, जेकर समूह के महिला अउ ग्रामीण मन ल स्व-रोजगार के गतिविधि के संचालन म मदद मिलत हे। रीपा म काम करे के पहिली उद्यमी मन ल शासन कती ले गुणवत्तापूर्ण प्रशिक्षण देहे के व्यवस्था करे गईस। एकर संग ही रीपा केंद्र म संचालित गतिविधि के सतत् निरीक्षण घलो करे जाथ हे।
ज्ञात हो के राज्य के विभिन्न गौठान म कुल 300 रीपा केंद्र के संचालन करे जाथ हे। ए रीपा केंद्र मन म 5849 महिला अउ 4107 पुरुष आजीविका गतिविधि ल संचालित करत हे। राज्य शासन कती ले ए रीपा केंद्र म 1546 गतिविधि प्रस्तावित करे गए हे, जेमा से 1103 गतिविधि संचालित होवत हे। जून के स्थिति म 213 रीपा केंद्र म सेवा गतिविधि संचालित करे जाथ हे। ए सेवा गतिविधि म आधार केंद्र, बीसी सखी, कंप्यूटर, कूलर अउ मोटर वाहन रिपेयर, रेस्टोरेंट, फोटोकॉपी, प्रिंटिंग मशीन, पेयजल, टेंट अउ कैटरिंग के कार्य करे जाथ हे। ए सब गतिविधि ले हितग्राही मन ल 37 लाख रुपिया के आय मिल गय हे। सेवा गतिविधि म राज्य के आकांक्षी जिला दंतेवाड़ा प्रथम अउ कांकेर दूसरा स्थान म हे। छत्तीसगढ़ सरकार के रूरल इंडस्ट्रियल पार्क (रीपा) योजना ले गांव मन म ग्रामीण मन ल रोजगार अउ स्व-रोजगार मिले लगे हे। गांव ल उत्पादन के केन्द्र अउ ग्रामीण मन ल आत्मनिर्भर बनार के उद्देश्य ले सुरू करे गए ए योजना ले अभी तक ग्रामीण परिदृश्य म एक सकारात्मक बदलाव आए लगे हे।
Success story
Neha Rathore
