अभी तक राज्य म 13 हजार 242 ले जादा राजीव युवा मितान क्लब गठित
रायपुर 12 जुलाई 2023
देश ल समृद्ध बनाए म युवा मन के भूमिका अहम माने जाथे। युवा मन के क्षमता के बेहतर उपयोग करे जाए त ओ राज्य ह तेजी ले आघू बाढ़थे। युवा मन ल राज्य के विकास म भागीदार बनाए मुख्यमंत्री श्री भूपेश बघेल के नेतृत्व अउ खेल एवं युवा कल्याण मंत्री श्री उमेश पटेल के मार्गदर्शन म राजीव युवा मितान क्लब के गठन करे गइस, जेकर से युवा क्लब ले जुड़ के राज्य के विकास म अपन सक्रिय भूमिका निभा सकय। राजीव युवा मितान क्लब के गठन के घोषणा मुख्यमंत्री श्री बघेल के द्वारा 12 जनवरी 2020 ले राज्य युवा महोत्सव के अवसर म करे गए रहिस। ए योजना के विधिवत शुभारंभ 18 सितंबर 2021 के करे गइस।
प्रदेश म 13 हजार 261 राजीव युवा मितान क्लब गठित करे जाए के लक्ष्य हे। आज तक 13 हजार 242 ले जादा राजीव युवा मितान क्लब के गठन हो गए हे। योजनानुसार प्रत्येक क्लब म 20 ले 40 युवा हे जेकर आयु 18 ले 40 बछर के बीच हे। प्रत्येक क्लब ल हर तीन महीना म 25 हजार रूपिया के अनुदान दिए जाए के प्रावधान करे गय हे। अइसनहे हर साल क्लब ल एक लाख रूपिया मिलही। राजीव युवा मितान क्लब ल अभी तक 63 करोड़ 77 लाख रूपिया ले जादा के राशि आबंटित करे जा चुके हे।
राजीव युवा मितान क्लब के गठन के उद्देश्य युवा मन ल रचनात्मक कार्य ले जोडे़ के छोड़ युवा मन के माध्यम ले जनकल्याणकारी योजना ल आमजन तक पहुंचाना हे। क्लब ले जुड़ के युवा खेल ल आघू बढ़ाए के संग ही छतीसगढ़ के संस्कृति अउ पर्यावरण के सरंक्षण अउ संवर्धन ब घलो काम करही। मुख्यमंत्री श्री बघेल ह योजना सुरू करे के बेर कहे रहिस कि युवा मन ल संगठित करके उमन के ऊर्जा के उपयोग नवा छत्तीसगढ़ गढ़े म करही। युवा प्रतिभा ल तराशना अउ उमन ल उपयुक्त मंच प्रदान करना सरकार के जिम्मेदारी हे। युवा शक्ति, राज्य के विकास ब महत्वपूर्ण पूंजी हे। ओ ह उम्मीद जताइस के राजीव युवा मितान क्लब के माध्यम ले युवा शक्ति ल एक दिशा मिलही। जेकर से हमर पूरा राज्य ल लाभ होही।
राजीव युवा मितान क्लब के सदस्य राज्य म संचालित शासकीय योजना ल जन-जन तक पहुंचाए म अपन सहयोग देवत हे। राज्य म विभिन्न खेल गतिविधि आयोजित करे के संग ही एमा बढ-चढ़ के भाग लेत हे। राजीव युवा मितान क्लब के युवा पर्यावरण संरक्षण, वृक्षारोपण, स्वच्छता अभियान अउ पेयजल संरक्षण, प्लास्टिक मुक्त अभियान, स्कूल मन म लईका मन के शत प्रतिशत उपस्थित ब काम करना, विद्यालय छोड़ चुके लईका मन ल विद्यालय प्रवेश ब प्रोत्साहित करना, कुपोषण अभियान, मलेरिया उन्मूलन, सेव गर्ल्स चाईल्ड, स्वैच्छिक रक्तदान कार्यक्रम म अपन सक्रिय भूमिका निभात हे। एकर संग ही क्लब के युवा नशा मुक्ति अभियान म जागरूकता बगरावत हे। क्लब के युवा हितग्राही मूलक योजना ब पात्र हितग्राही के पहिचान करना अउ योजना ले लाभ आम जन तक पहुंचाए म महत्वपूर्ण योगदान देवत हे।
एकर संग ही जेन विभाग म कौशल क्षमता, विकास कार्यक्रम अउ क्लब के उद्देश्य के अनुरूप आयोजन होथे ओमा समन्वय के काम बुता ल युवा मन ह करत हे। नेतृत्व निर्माण कार्यक्रम के अंतर्गत प्रभावी प्रबध्ंान अउ प्रशासन, लोक तांंित्रक नेतृत्व कार्यशाला, राजीव युवा मितान क्लब के विकास के संबंध म प्रशिक्षण, सूचना प्रौद्योगिकी अउ संचार कौशल म कार्यशाला, वैश्विक राष्ट्रीय व स्थानीय महत्व के वर्तमान मुद्दा म कार्यक्रम करत हे। व्यक्तिगत अउ सामाजिक कौशल विकास, महिला मन के कौशल उन्नयन कार्यक्रम, युवा सुविधा केन्द्र संचालन, हस्तशिल्प मेला अउ लोकवार्ता, सामुदायिक संपत्ति के संरक्षण, संस्कृति के सरंक्षण अउ संवर्धन जईसे कार्यक्रम म अपन सक्रिय भूमिका निभात हे।
Neha Rathore
