प्रशिक्षणार्थी मन ह जानिस दैनिक जीवन म योग के प्रभाव अउ फायदा ल

योग आयोग कती ले सात दिवसीय योग प्रशिक्षण शिविर आयोजित
रायपुर, 21 जुलाई 2023
छत्तीसगढ़ योग आयोग कती ले रायपुर के वी.आई.पी. रोड फुण्डहर स्थित योग भवन म आयोजित योग प्रशिक्षण शिविर म योग प्रशिक्षक अउ विशेषज्ञ मन कती ले दैनिक जीवन म योग के प्रभाव अउ फायदा के संबंध म बताए जाथ हे। शिविर म प्रशिक्षणार्थि मन ल डॉ. दिनेश नाग ह योग के संग आयुर्वेद के संबंध अउ प्रभाव के बारे म बताइस अउ स्त्री रोग विशेषज्ञ डॉ. आशा जैन ह प्रसव के बेरा योग के भूमिका विषय म विस्तृत जानकारी दिस। एकर संग ही श्री लच्छू राम निषाद ह यम, प्रत्याहार, धारणा म प्रकाश डारिस, श्री सी. एल. सोनवानी ह षटकर्म के बारे म बताइस। ए अवसर म योग आयोग के सचिव श्री एम. एल. पाण्डेय समेत योग प्रशिक्षकगण उपस्थित रहिस हे।
उल्लेखनीय हे कि रायपुर, बिलासपुर अउ बस्तर संभाग के सफल आयोजन के बाद सरगुजा संभाग के प्रशिक्षणार्थि मन ब सात दिवसीय आवासीय योग प्रशिक्षण शिविर के आयोजन करे जाथ हे। एमा सरगुजा संभाग के सब्बो जिला ले लगभग 130 प्रतिभागी संघरे हे। प्रशिक्षण शिविर के शुभारंभ 15 जुलाई के शंकराचार्य आश्रम बोरियाकला के मुख्य पुजारी श्री इंदुभवानंद जी महाराज के मुख्य आतिथ्य अउ छत्तीसगढ़ योग आयोग के अध्यक्ष श्री ज्ञानेश शर्मा के अध्यक्षता म करे गइस। ओ ह कहिस कि स्वस्थ अउ दीर्घायु जीवन ब नियमित योग करना हर व्यक्ति ब आवश्यक हे।
Neha Rathore