रीजनरेटिव डेव्हलपमेंट म सोसायटी के एप्रोच के उपर होइस चरचा
दूरस्थ क्षेत्र ले आए युवा, जनप्रतिनिधि, बिहान के दीदि अउ परिवार मन ह अपन जीवन, संघर्ष, चुनौती अउ सपना के बारे म गोठ करिस
रायपुर, 22 जुलाई 2023
नई दिल्ली की सामाजिक संस्था ट्रान्सफॉर्मिंग रूरल इंडिया फाउंडेशन (ट्रिफ) अउ पंडित रविशंकर शुक्ल विश्वविद्यालय के संयुक्त तत्वाधान म आज राजधानी के एक निजी होटल म ’इंडिया रूरल कोलोक्वि’ ले आयोजन करे गइस। इहां देश म ग्रामीण गरीबी अउ असमानता के प्रमुख चुनौती म संवाद होइस। ए बेरा नवा गांव के निर्माण म समाज, सरकार अउ बजार के भूमिका अउ चुनौती के समाधान म विस्तार ले चरचा करे गईस। ए परिचर्चा म राज्य के वरिष्ठ अधिकारी, समाजसेवक, उद्यमी अउ विभिन्न सामाजिक विकास के क्षेत्र विशेषज्ञ मन ह हिस्सा लिस अउ ग्रामीण गरीबी, असमानता संग दूसर विसंगती के समाधान म विचार-विमर्श करिस। ए अवसर म बिहान योजना के तहत लखपति दीदी योजना के तहत महिला मन के सफलता म आधारित बुकलेट के विमोचन घलो कर गईस।
सुभारंभ सत्र म छत्तीसगढ़ राज्य योजना आयोग के उपाध्यक्ष श्री अजय सिंह ह कहिस कि ’इंडिया रूरल कोलोक्वि‘ के आयोजन पहिली बार रीजनल स्तर म छत्तीसगढ़ म होगय हे। एकर से राष्ट्रीय स्तर म योजना निर्माण ब वास्तविक अउ सही जानकारी मिल पाही। एकर से स्थानीय सोच अउ चुनौती के आधार म निकले जानकारी योजना के निर्माण म उपयोगी साबित होही। ओ ह कहिस कि भारत अपन 75 बछर के यात्रा म 5वीं सबसे बडे़ अर्थव्यवस्था बन के उभर हे।
Neha Rathore
