मुख्यमंत्री श्री भूपेश बघेल ह युवा मन ल राजनीति म आए के करिस आव्हान अउ कहिस कि आप मन के आए ले ही प्रदेश आघू बाढ़ही

मुख्यमंत्री धमतरी के युवा सोमेश्वर के जोशीला भाषण सुन के होइस गदगद, 
गला लगा के दिहिस आशीर्वाद
युवा मन ले भेंट-मुलाकात म मुख्यमंत्री श्री भूपेश बघेल ह करिस कई ठ अहम घोषणा
दन्त चिकित्सक ग्रामीण क्षेत्र म 2 साल दिही अपन सेवा
स्वास्थ्य केंद्र म फीजियोथेरेपिस्ट अउ छत्तीसगढ़ी भाषा म 
अध्यापक के होही नियुक्ति
धमतरी कन्या महाविद्यालय म पीजी कोर्स होही सुरू
मुख्यमंत्री ह राजधानी के इंडोर स्टेडियम म रईपुर संभाग 
के युवा मन करा करिस भेंट-मुलाकात 
रायपुर, 23 जुलाई 2023
मुख्यमंत्री श्री भूपेश बघेल ह आज राजधानी रईपुर के बूढ़ापारा स्थित इन्डोर स्टेडियम म युवाओं के साथ भेंट-मुलाकात कार्यक्रम म संघरिस। कार्यक्रम के सुरूआत म धमतरी ले आये युवा सोमेश्वर गंजीर ह ऋग्वेद के श्लोक के संग सपनो का छत्तीसगढ़ विषय म जोशीला तरीका ले अपन बात राखीस। मुख्यमंत्री श्री भूपेश बघेल जोशीला भाषण ले अतना खुश होइस के सोमेश्वर ल अपन तिर बला के गला ले लगा लिस।
मुख्यमंत्री ले इंजीनियरिंग के छात्रा शगुन श्रीवास्तव ह पूछिस के आपके सरकार युवा मन ल राजनीति म लाए ब का प्रयास करत हे। एकर उत्तर म मुख्यमंत्री ह कहिस के प्रदेश के जतका जादा युवा राजनीति म आही ओतके ही जादा लोगन मन ल पढ़े-लिखे युवा के नेतृत्व मिलही अउ हमार प्रदेश आघू बाढ़ही। मुख्यमंत्री ह युवा मन ल राजनीति म आए के आह्वान करिस। मुख्यमंत्री बघेल ल मौका म ही युवा मन के मांग म कई ठ अहम घोषाणा करिस। मुख्यमंत्री ह युवा मन के मांग म दन्त चिकित्सक मन ल 2 साल ग्रामीण क्षेत्र म पदस्थ करे, शासकीय कन्या महाविद्यालय धमतरी म पीजी कोर्स सुरू करे, स्वास्थ्य केंद्र म फीजियोथेरेपिस्ट के नियुक्ति, फीजियोथेरेपी कॉलेज म छात्रावास के व्यवस्था समेत छत्तीसगढ़ी भाषा म अध्यापक भर्ती करे कमके घोषणा करिस। भेंट-मुलाकात युवाओं के साथ कार्यक्रम के सुरूआत राजगीत अरपा पैरी के धार ले होइस।
कार्यक्रम म मुख्यमंत्री के समक्ष युवा मन ह मेरे सपनों के छत्तीसगढ़ म अपन विचार, कविता अउ भाषण के प्रस्तुत दिस। तेकर बाद म मुख्यमंत्री ह युवा मन ले बातचीत करिस।
Neha  Rathore