महासमुंद : मनरेगा ले अनंतराम के सपना होइस सकार

निजी डबरी खनन ले मछली पालन अउ साग-भाजी उत्पादन कर के बनिस खुशहाल किसान
महासमुंद, 24 जुलाई 2023
सरायपाली विकासखण्ड अंतर्गत ग्राम नवापारा कोटद्वारी के किसान श्री अनंतराम के जीवनोपार्जन के माध्यम खेती म आधारित रहिस हे। अनंतराम ह छोटे किसान हे, एकर करा कुल जमीन 4 एकड़ हे। ओ ह बरसा के पानी के भरोसा धान के खेती करत रहिस हे। अनंतराम दूसर ग्रामीण किसान मन असन खेती ब वर्षा के जल म ही निर्भर रहिस हे अउ वर्षा पर्याप्त नई होए ले परिवार ल गांव के ही दूसर जघा म मजदूरी करे ल जाए ल परय।
अनंतराम ह महात्मा गांधी राष्ट्रीय ग्रामीण रोजगार गारंटी योजना अधिनियम के तहत निजी डबरी निर्माण ब ग्राम पंचायत म अर्जी दिस। एकर ब ग्राम पंचायत म ग्राम सभा म अनंतराम के निजी भूमि म डबरी निर्माण के प्रस्ताव करे गईस। तेकर ले जिला पंचायत महासमुंद कती ले 15 जनवरी 2022 के 9.99 लाख रूपिया के प्रशासकीय स्वीकृति प्रदान करे गईस। डबरी निर्माण के बाद ए बरसात म सिंचाई ब पानी के उपलब्धता होए ले अब अनंतराम खुशहाल किसान कहलाए लगे हे। अनंतराम बतात हे कि खेत म निजी डबरी निर्माण होईबके बाद खरीफ सीजन म धान फसल के अबड़ बढ़िया पैदावार होए के उम्मीद हे। संग म मछली पालन के ओकर सपना घलो पूरा होही। डबरी निर्माण होए के बाद ले ही ओ ह फसल उत्पादन के अतिरिक्त मछली अउ साग-सब्जी के उत्पादन करे ल सुरू कर दिए हे। जेकर बेचरी कर के मासिक आय म 12 ले 15 हजार रूपिया के वृद्धि होए ले। ए प्रकार किसान अनंतराम के भूइयां म डबरी निर्माण के बाद ले उकर परिवार के आय के स्त्रोत बाढ़ गय हे। जेकर फलस्‍वरूप अनंतराम अउ उकर परिवार के आर्थिक स्थिति अउ जीवन स्तर म बनेच सुधार होइस हे अउ अनंतराम के परिवार संपन्नता के डहर म अग्रसर हे।
Success story
Neha Rathore