चाउर के करौरी जईसे लोकप्रिय प्रोडक्ट गुणवत्ता के संग आकर्षक पैकेजिंग में उपलब्ध करात हे निपुण
प्रोड्क्ट अउ प्रचार के तरीका के मुख्यमंत्री ह घलो करे हे प्रशंसा, 2 लाख रुपिया के देहे हे सहायता
रायपुर, 8 अगस्त 2023
श्री निपुण रायपुर जिला के गांव निलजा निवासी हे अउ उहें रीपा में अपन छोटा कन उद्यम करत हे। ओला छत्तीसगढ़ शासन के रीपा योजना के सहयोग मिलत हे। सबले बडे़ बात ए हे कि अपन प्रोडक्ट के प्रमोशन करे के अउ एकर गुणवत्ता ब उकर काम अबड़ खास हे। वो ह सिरीफ छत्तीसगढ़ी व्यंजनों ल प्रमोट करत हे अउ देश-विदेश के बजार में स्थापित करे के इच्छा रखथे।
निपुण ल रायपुर जिला के निलजा रीपा में जघा अउ शेड सहित मशीन मिले हे जेमा उद्यम संचालित करत हे। निपुण एग्रीकल्चर इंजीनियर हे। ओ ह बताइस कि छत्तीसगढ़ में मुख्यमंत्री श्री भूपेश बघेल ह युवा उदयमिता ब बढ़िया काम करत हे । रीपा में अधोसंरचना हे। बिजली हे। पानी हे। बैंक से लिंकेज हे। मैं ह मुख्यमंत्री ल अपने काम के बारे में बताय। ओ ह मोर काम के सराहना करत हुए दू लाख रुपिया के मदद के घोषणा घलो करिस। मुख्यमंत्री युवा मन ल अबड़ हौसला देत हे। एकर से सब रीपा में युवा उद्यमी बहुत अच्छा काम करत हे।
