मुख्यमंत्री श्री भूपेश बघेल ह धमतरी जिला के कमार मन ल पहिली बार प्रदान करिस पर्यावास अधिकार मान्यता पत्र

विश्व आदिवासी दिवस-छत्तीसगढ़ में आदिवासी मन अधिकार संपन्न बनाए के नवा पहल
कमार पर्यावास अधिकार पाए वाले पहिली जनजाति समूह
धमतरी जिला के मगरलोड विकासखण्ड के पाली के बिसेस रूप ले कमजोर जनजाति समूह कमार ल मुख्यमंत्री के हाथ ले मिलिस पर्यावास अधिकार मान्यता पत्र
पर्यावास अधिकार ले बिसेस पछवाए जनजाति समूह के पारंपरिक, सामाजिक, सांस्कृतिक, आजीविका, अधिकार अउ रहवास के होही संरक्षण अउ संवर्द्धन
जनजाति छेत्र के हो सकही बेहतर सशक्तिकरण
धमतरी, 10 अगस्त 2023
मुख्यमंत्री श्री भूपेश बघेल ह विश्व आदिवासी दिवस के अवसर म 09 अगस्त के छत्तीसगढ़ के बिसेस रूप ले कमजोर जनजाति समूह ‘‘कमार’’ ल एक बिसेस उपहार दिस अउ पर्यावास अधिकार (Habitat Rights) मान्यता पत्र बांटिस। प्रदेश में पहिली बार बिसेस रूप से कमजोर जनजाति समूह ल पर्यावास अधिकार प्रदान करे गइस। एकर संग ही छत्तीसगढ़ देश के दूसरा राज्य बन गय हे, जिहां बिसेस रूप से कमजोर जनजाति समूह ल पर्यावास अधिकार दिए गय हे। अऊ अइसनहे कमार जनजाति समूह प्रदेश के पहिली जनजाति समूह हे, जेला राज्य शासन कती ले पर्यावास अधिकार मिले हे। मुख्यमंत्री श्री बघेल ह 9 अगस्त के अपन निवास कार्यालय में आयोजित कार्यक्रम में धमतरी जिला के मगरलोड विकासखण्ड अंतर्गत स्थित मगरलोड पाली/उपक्षेत्र (परंपरागत क्षेत्र) के 22 कमार पारा/टोला के मुखिया ल पर्यावास अधिकार मान्यता पत्र प्रदान करिस।
मुख्यमंत्री ह कार्यक्रम में बिसेस रूप ले कमजोर जनजाति समूह ल पर्यावास अधिकार के मान्यता देहे के प्रक्रिया के संबंध में प्रकाशित पुस्तिका के विमोचन करिस। ए अवसर म ओ ह आदिम जाति अउ अनुसूचित जाति विकास विभाग के योजना के प्रगति ले संबंधित पुस्तिका ‘समावेशी विकास के बढ़ते सोपान’ शीर्षक से प्रकाशित कॉफी टेबल बुक, आदिम जाति अनुसंधान अउ प्रशिक्षण संस्थान कती ले प्रकाशित पुस्तक ‘छत्तीसगढ़ की जनजातीय वाचिक परम्पराएं’, ‘बस्तर दशहरा’ ‘आदिनाद जनजाति वाद्ययंत्र’ ‘स्मारिका’ के घलो विमोचन करिस।