रायपुर, 20 अगस्त 2023
मुख्यमंत्री श्री भूपेश बघेल ह आज महासमुंद के हाई स्कूल मैदान में राजीव गांधी किसान न्याय योजना अउ अन्य दूसर योजना के हितग्राही मन ल राशि के अंतरण कार्यक्रम के पहिली ’’मुख्यमंत्री गौवंश मोबाईल चिकित्सा योजना’’ के तहत महासमुंद जिला ब 7 अउ संभाग के अन्य दूसर जिला ब 43 मोबाइल पशु चिकित्सा इकाई ल हरियर झण्डा देखा के रवाना करिस।
मुख्यमंत्री श्री भूपेश बघेल ह मुख्यमंत्री गौवंश मोबाईल चिकित्सा योजना ल मुख्यमंत्री हाट बाजार क्लिनिक योजना अउ मुख्यमंत्री शहरी स्लम स्वास्थ्य योजना के तर्ज म सुरू करे गए हे। जेकर तहत चिकित्सायुक्त 163 मोबाईल वैन के माध्यम ले गौठान, ग्राम पंचायत तक पहुंच सेवा अउ कॉल सेंटर के माध्यम ले जी.पी.एस. लगे मोबाईल वैन अउ पशु चिकित्सा सेवा के मॉनिटरिंग अउ परामर्श सुविधा प्रदान करे जाही। मुफ्त पशु चिकित्सा सुविधा अउ परामर्श ब टोल फ्री नम्बर 1962 जारी करे गए हे।
मुख्यमंत्री गोवंश मोबाइल चिकित्सा योजना के प्रमुख उद्देश्य छत्तीसगढ़ के सब्बो गौवंश (पशु) ल समय म बढ़िया से बढ़िया चिकित्सा सुविधा प्रदान करना हे। जेकर लिए ए योजना के तहत आज मुख्यमंत्री श्री बघेल ह चिकित्सा वाहन ल हरियर झण्डा देखा के रवाना करिस। ए चिकित्सा वाहन के द्वारा बीमार पशु ल घर-घर जाके ट्रीटमेंट दिए जाही। अब राज्य समेत जिला के कोनो भी पशुपालक अपन पशु मन के बीमार होए म जल्दी ले जल्दी चिकित्सा वाहन ल अपन स्थान न बुलवा सकही अउ अपन पशु ले समय म इलाज करवा सकही। एकर से पशु संरक्षण ल बढ़ावा मिलही।
